Ushtria izraelite po përgatitet për mundësinë e rifillimit të ofensivës ushtarake në Liban, në rast se përshkallëzohen sërish luftimet me Iranin. Lajmi raportohet nga gazeta izraelite “Yedioth Ahronoth”, sipas së cilës forcat ushtarake po përgatiten për një tjetër raund përplasjesh në frontin libanez.
Sipas raportimit, ushtria izraelite po vijon operacionet përgjatë kufirit me Libanin, ndërsa po përgatit pozicionet ushtarake dhe po përditëson planet operacionale në prag të dimrit.
Ndërkohë, strukturat izraelite të sigurisë janë në pritje të një vendimi nga SHBA-ja për mundësinë e rifillimit të operacioneve ushtarake kundër Iranit. Situata, sipas medias izraelite, mund të ndryshojë me shpejtësi në varësi të zhvillimeve në Washington.
Gazeta shkruan se deri më tani nuk janë vërejtur shenja të pazakonta të shtimit të përgatitjeve ushtarake amerikane në rajon, përveç përforcimit të forcave amerikane në jug të Izraelit dhe lëvizjeve detare në Detin Arabik.
Një tjetër pikë mosmarrëveshjeje lidhet me objektivat e një operacioni të mundshëm kundër Iranit. Kryeministri izraelit Benjamin Ntitulli me abuzues dhe i shkurteretanyahu synon përmbysjen e qeverisë iraniane, ndërsa disa zyrtarë në Washington favorizojnë një operacion të shpejtë dhe intensiv, që do të dobësonte Teheranin dhe do ta detyronte të negocionte nga një pozitë më e pafavorshme.
Sipas “Yedioth Ahronoth”, mospajtime ka pasur edhe brenda udhëheqjes izraelite. Para zgjedhjeve parlamentare të muajit të kaluar, shefi i Shtabit të Përgjithshëm të ushtrisë, Eyal Zamir, është përplasur me Netanyahun dhe ministrin e Mbrojtjes, Israel Katz, për shkak të këmbënguljes së tyre për një aksion ushtarak kundër Teheranit.
Disa zyrtarë izraelitë, sipas gazetës, besojnë se Netanyahu po përpiqet të provokojë një tjetër luftë me Iranin për të qëndruar në pushtet. Kjo lidhet me rezultatin e zgjedhjeve të 27 tetorit për Knessetin, ku blloku i tij siguroi 53 nga 120 vendet, ndërsa blloku opozitar mori 48.
Në planin diplomatik, SHBA-ja kërkon që Irani të bëjë lëshime për programin e tij bërthamor përpara rifillimit të negociatave. Nga ana tjetër, Teherani kërkon heqjen e sanksioneve amerikane, lirimin e aseteve të ngrira dhe lejimin e eksportit të naftës.
Sipas raportimit, SHBA-ja dhe Izraeli nisën një ofensivë ushtarake kundër Iranit më 28 shkurt 2026, ndërsa në prill u arrit një armëpushim. Luftimet mes Washingtonit dhe Teheranit rifilluan në korrik, ndërsa përpjekjet diplomatike për një zgjidhje mbetën të bllokuara.
Ndërkohë, më 26 qershor, Libani dhe Izraeli nënshkruan një marrëveshje kornizë të ndërmjetësuar nga SHBA-ja. Ajo parashikonte tërheqjen graduale të Izraelit nga territoret e pushtuara libaneze, në këmbim të dislokimit të ushtrisë libaneze dhe marrjes së përgjegjësive të sigurisë prej saj.
Raportimi i fundit i medias izraelite ngre shqetësimin për mundësinë e hapjes së një tjetër fronti luftimesh në Liban, në rast të përshkallëzimit të konfliktit mes Izraelit, SHBA-së dhe Iranit.