Dy punonjës policie në Malësinë e Madhe u plagosën me thikë nga një turist gjerman, pak ditë më parë, gjatë ndërhyrjes për neutralizimin e tij. Ngjarja ndodhi pasi policia mori njoftimin se turisti kishte sulmuar me benzinë automjetin e një qytetari.
Efektivët u vunë në ndjekje të tij për ta ndaluar, por gjatë ndërhyrjes, turisti përdori një thikë dhe i plagosi të dy. Pas incidentit, ai u arrestua nga policia.
Këtë të shtunë, drejtori i Përgjithshëm i Policisë së Shtetit, Skënder Hita, ka vlerësuar dy inspektorët, Hilmi Smajlaj dhe Samet Bajri, për guximin dhe përkushtimin e treguar gjatë ushtrimit të detyrës.
Hita u shprehu mirënjohjen për angazhimin e tyre, duke theksuar se profesionalizmi dhe përkushtimi i efektivëve kanë fituar edhe besimin e qytetarëve.
Gjatë vizitave të tij në Shkodër, kryepolici vizitoi gjithashtu në banesë nënkomisarin Fasli Rama, i cili ka më shumë se tre dekada shërbim në Policinë e Shtetit dhe u plagos në kokë me një send hekuri gjatë protestës së zhvilluar në qytet.
Duke iu drejtuar efektivit, Hita theksoi se ai duhet të ndihet krenar për mënyrën se si kishte përmbushur detyrën.
“Duhet të jesh krenar, pasi nuk ishe aty kundër qytetarëve dhe as kundër protestës paqësore, por për të garantuar të drejtën e çdo qytetari për të protestuar dhe për të mbrojtur institucionet, pronën publike e private nga çd