Një pamje e pazakontë është regjistruar në Moskë, ku një urë është mbuluar tërësisht nga bora, ndërsa rrugët përreth saj kanë mbetur të pastra.
Fenomeni ka ngjallur kureshtje, por ekspertët kanë një shpjegim shkencor për këtë dallim.
Sipas tyre, urat ftohen më shpejt se rrugët e zakonshme, pasi janë të ekspozuara ndaj ajrit të ftohtë jo vetëm nga sipër, por edhe nga poshtë.
Ndryshe nga rrugët, të cilat përfitojnë nga nxehtësia e tokës dhe e ruajnë atë më gjatë, urat humbin nxehtësinë më shpejt. Për këtë arsye, bora në sipërfaqen e tyre nuk shkrihet aq lehtë.
Ky fenomen shpjegohet me dallimet në izolimin termik dhe është një dukuri e njohur gjatë periudhave me temperatura të ulëta. /Telegrafi/
