Një incident është shënuar gjatë protestës së Partisë Demokratike para Kryeministrisë, ku një protestues është përplasur fizikisht me disa pjesëmarrës të tjerë në tubim. Ngjarja nisi pasi ai bëri thirrje kundër të dy liderëve politikë, duke brohoritur: “Rama n’burg, Berisha n’burg”.
Thirrjet shkaktuan reagimin e disa protestuesve demokratë, të cilët e kanë goditur me shpulla dhe e kanë ofenduar. Situata u tensionua më tej, ndërsa në përplasjen fizike ndërhynë edhe protestues të tjerë.
Ky është incidenti i parë i raportuar gjatë tubimit të sotëm të Partisë Demokratike para Kryeministrisë. Deri në këto momente, protesta është shoqëruar me tensione pas përplasjes mes protestuesve, ndërsa nuk ka të dhëna të tjera për pasoja të mundshme nga incidenti.
