Borussia Dortmund arriti një tjetër fitore të rëndësishme, duke iu imponuar kundërshtarit me rezultatin 2-1. Protagonist absolut për verdhezinjtë ishte Nmecha, i cili realizoi dy gola dhe i dha skuadrës së tij tri pikë të çmuara. Me këtë sukses, Dortmundi vazhdon të qëndrojë pranë Bayern Munichut në garën për kreun e renditjes.
Edhe kampionët bavarezë nuk zhgënjyen, duke fituar gjithashtu me rezultatin 2-1. Joshua Kimmich dhe talenti 18-vjeçar Lennart Karl ishin autorët e golave për skuadrën e drejtuar nga Vincent Kompany. Veçanërisht Karl po tërheq vëmendjen me paraqitjet e tij, duke konfirmuar potencialin e madh që zotëron.
Në ndeshjet e tjera, Eintracht Frankfurt humbi terren në transfertë, pasi nuk shkoi më shumë se një barazim 2-2 ndaj Paderbornit.
Ndërkohë, spektakli i javës erdhi nga Leipzig, që regjistroi një fitore të thellë 5-0 kundër Augsburgut. Në këtë sukses spikati ish-sulmuesi i Milanit, Christopher Nkunku, i cili realizoi një gol dhe dhuroi një asist, duke qenë një nga protagonistët kryesorë të takimit.
