Një ndërhyrje e menjëhershme e dy kirurgëve që rastësisht ndodheshin pranë sheshit kryesor të Krakovit besohet se ka shpëtuar jetën e një polici të plagosur rëndë gjatë sulmit të armatosur që tronditi qytetin polak të shtunën, pak para orës 15:00 sipas kohës lokale. Sulmi la gjashtë persona të vdekur dhe 15 të tjerë të plagosur. Dy policët që u përballën me autorin mbetën në gjendje kritike dhe dolën nga koma të dielën. Mes viktimave ishin një shtetas britanik, një grua austriake dhe katër shtetas polakë. I dyshuari, një 24-vjeçar polak, ndodhet në gjendje kritike shëndetësore dhe identiteti i tij nuk është bërë publik nga autoritetet. Sulmi zgjati rreth tri minuta dhe shkaktoi panik të madh, me qytetarë e turistë që vraponin për të shpëtuar jetën. Dy mjekët po drekonin me familjet e tyre pranë Sheshit Kryesor kur dëgjuan të shtënat.