Presidenti amerikan, Donald Trump, ka sugjeruar se territori i Ukrainës mund të ndryshojë si pjesë e një marrëveshjeje të mundshme të paqes me Rusinë.
“Mendoj se do ta përfundojmë dhe se Ukraina do të ketë një formë pak më ndryshe”, tha Trump në një intervistë për “60 Minutes” të CBS.
Deklarata vjen para bisedimeve mes Ukrainës, Rusisë dhe SHBA-së, të planifikuara për 10 dhe 11 nëntor në Abu Dhabi.
Trump tha se beson se lufta mund të përfundojë së shpejti, por nuk sqaroi se çfarë ndryshimesh territoriale kishte parasysh.
Ndërkohë, sekretari amerikan i Shtetit, Marco Rubio, tha se është bërë përparim në diskutimet për garancitë e sigurisë për Ukrainën pas luftës.
Megjithatë, territori mbetet një nga pengesat kryesore.
Rusia kërkon të mbajë kontrollin mbi rajonet ukrainase që pretendon se i ka aneksuar, ndërsa Kievi refuzon të heqë dorë nga territori dhe kërkon garanci të forta sigurie.
I pyetur për pengesën kryesore drejt marrëveshjes, Trump tha se ajo është “urrejtja mes Zelenskyt dhe Putinit”. /Telegrafi/
