Shpërthim i fuqishëm në një fabrikë çeliku në Turqi, përfshihet nga flakët objekti

Një shpërthim i fuqishëm është regjistruar të hënën në mëngjes në fabrikën e hekurit dhe çelikut Habaş, në lagjen Aliaga të Izmirit, në Turqi.

Pas shpërthimit, në ambientet e fabrikës ka rënë zjarr, duke shkaktuar mobilizimin e menjëhershëm të ekipeve zjarrfikëse, të cilat mbërritën në vendngjarje dhe nisën punën për vënien nën kontroll të flakëve.

Deri më tani nuk raportohet për persona të lënduar apo viktima, ndërsa shkaqet e shpërthimit mbeten ende të paqarta.