Ish-Presidenti i Shteteve të Bashkuara, Joe Biden, ka sulmuar ashpër Presidentin Donald Trump për trajtimin e sulmit në Kapitol më 6 janar 2021. Sipas tij, ai nuk duhet harruar kurrë dhe duhet ta ndjekë presidentin republikan deri në varr. Në një fragment nga kujtimet e tij, “Kujtimet e Biden“, të botuar të hënën, ai e akuzon Trumpin se ka udhëhequr një kryengritje.
Ky është thelbi i qëndrimit të Biden kundër Trump në librin e tij të kujtimeve, ku ai e quan të gabuar faljen masive për të dënuarit e 6 janarit dhe thotë se Trump ka udhëhequr një kryengritje. Ai kritikon gjithashtu vendimin e tij për të dhënë falje masive për të dënuarit e sulmit në Kapitol.
Biden akuzon gjithashtu Trumpin dhe mbështetësit e tij se vazhdojnë ta portretizojnë veten si mbrojtës të zbatimit të ligjit, pavarësisht qëndrimit të tyre ndaj ngjarjeve të 6 janarit. “Kriminelët që sulmuan oficerët e policisë atë ditë nuk meritonin falje. Ata meritonin dënime me burg”, shkruan ish-presidenti në fragmentin e kujtimeve të tij.
“Nuk mund të mbyllësh sytë kur oficerët e policisë goditen me grushte, me sende të mprehta, me sprej dhe abuzohen brutalisht dhe në të njëjtën kohë të quhesh mik i zbatimit të ligjit”, vëren ai. Ish-presidenti përfundon me një thirrje të qartë: “Ajo që bëri Trump më 6 janar 2021, nuk duhet harruar kurrë. Ata duhet ta ndjekin atë deri në varr”, shton ai.