Pantallonat prej kadifeje me vija janë rikthyer fuqishëm, duke u renditur ndër pjesët më të spikatura të garderobës për sezonin vjeshtë-dimër.
Edhe pse shumëkush i lidh ende me modën e viteve ’70 dhe ’90, cikli i modës që vazhdimisht përsëritet ka bërë që ato të rikthehen sërish në qendër të vëmendjes.
Tekstura e tyre karakteristike me vija të holla i jep një pamje më interesante çdo kombinimi, ndërsa materiali më i trashë i bën një alternativë të shkëlqyer ndaj xhinseve gjatë muajve të ftohtë.
Foto ilustruese
Ato përshtaten po aq bukur me një pulovër të thjeshtë dhe atlete, sa edhe me një pallto elegante, këmishë apo çizme të shkurtra.
Veçanërisht të preferuara janë edhe nga adhuruesit e stilit, të cilët i kombinojnë me veshje më të lirshme dhe me karakter.
Foto ilustruese
Si t’i veshim këtë sezon?
Modelet që gjenden në koleksionet aktuale shkojnë përtej prerjeve klasike të drejta.
Pantallonat me këmbë të gjera dhe siluetë më të lirshme janë ndër zgjedhjet më të pëlqyera, pasi i përshtaten veçanërisht mirë këtij materiali.
Ndërkohë, modelet me këmbë lehtësisht të zgjeruara rikthejnë estetikën e viteve ’70.
Edhe pantallonat me bel të lartë vazhdojnë të jenë shumë në modë, pavarësisht materialit, dhe kombinohen lehtësisht me pulovra të shkurtra.
Ato janë gjithashtu një zgjedhje e preferuar për ata që pëlqejnë t’i fusin bluzat brenda pantallonave.
Përveç nuancave tradicionale të kafesë, ngjyrës konjak dhe bezhës, këtë sezon ia vlen t'u kushtohet vëmendje edhe modeleve në blu të errët, bordo, jeshile ulliri dhe të zezë.
Falë teksturës së pasur të kadifesë me vija, edhe modelet me prerje më të thjeshtë në këto ngjyra mund të krijojnë një pamje mjaft elegante dhe të veçantë.
Më poshtë ju sjellim disa nga modelet e pantallonave prej kadifeje me vija për femra dhe meshkuj, që mund t’i gjeni në koleksionet e këtij sezoni:
Foto ilustruese
Foto ilustruese
Foto ilustruese
Foto ilustruese
Foto ilustruese
Foto ilustruese
/Telegrafi/
