Hetimet për akuzat ndaj Mohamed Al Fayed, policia franceze kryen kontrolle në 3 prona! Disa arrestime

Policia franceze ka kryer arrestime pas bastisjes së tre pronave, përfshirë hotelin Ritz në Paris, në lidhje me një hetim për abuzim seksual dhe trafikim nga Mohamed Al Fayed.

Disa individë u morën në paraburgim për t’u marrë në pyetje muajin e kaluar dhe më vonë u liruan, sipas zyrës së prokurorit publik të Parisit. Një tjetër pronë në Paris dhe një në Saint-Tropez, të dyja me lidhje me Fayedin, u kontrolluan gjithashtu në mesin e tetorit.

Disa nga viktimat e dyshuara të Fayedit u intervistuan gjithashtu nga oficerë të divizionit të krimit të organizuar të zyrës së prokurorit të Parisit.

Shtoi se kërkimet ishin pjesë e një hetimi paraprak mbi “akuzat për trafikim qeniesh njerëzore të kryera nga një grup i organizuar, prostitucion të rënduar të kryer nga një grup i organizuar dhe përdhunim”.

Në një email të dërguar të mbijetuarve të abuzimit të dyshuar të Fayedit më herët sot, policia metropolitane tha se oficerët e saj ishin të pranishëm gjatë kontrolleve më 13 dhe 14 tetor, në një operacion të koordinuar me hetuesit francezë.

 “Kërkimet dhe operacionet e mbledhjes së provave u kryen në mesin e tetorit 2026, veçanërisht brenda Hotel Ritz në arondismentin e 1-rë të Parisit, si dhe në Villa Sainte-Thérèse në Saint-Tropez, një ish-pronë e Mohamed Al Fayed , dhe në Villa Windsor në arondismentin e 16-të të Parisit, në prani të hetuesve britanikë”, tha Zyra e prokurorit të Parisit.

Pelham Spong, e cila thotë se është trafikuar në Paris me urdhër të Fayedit në vitin 2008 përpara se të dërgohej në Londër për t’u sulmuar seksualisht prej tij, tha se ishte shumë e gëzuar nga bastisjet e policisë franceze.

“Të mbijetuarit meritojnë veprime, jo fjalë”, shtoi ajo.

Grupet e të mbijetuarve thonë se më shumë se 500 gra kanë denoncuar abuzimin që dyshohet se ka ndodhur në Harrods, Park Lane, klubin e futbollit Fulham, hotelin Ritz në Paris dhe vende të tjera në pronësi të Fayedit. Policia Metropolitane po heton 169 viktima që kanë kontaktuar drejtpërdrejt policinë.