Taulant Balla i ka bërë sërish thirrje opozitës të ndërpresë bojkotin e jetës parlamentare dhe të kthehet në komisionin e Reformës Zgjedhore. Qartazi, ai shprehu se nuk do të ketë zgjatje afati dhe reforma do të miratohet vetëm me votat e socialistëve nëse opozita nuk reflekton.

Balla theksoi se ligji për financimin e partive duhet të miratohet brenda Krishtlindjeve.

Ndryshimin e qasjes së opozitës e kërkoi edhe për seancën e ardhshme të Kuvendit ku do të jetë në fokus buxheti i shtetit.

“Prej një muaji PD ka hyrë në një rrugë pa kthim dhe ftesa ime për ta është të ndërpresin bojkotin. I bëj thirrje PD dhe të tjerave që ishin sot në Konferencën e Kryetarëve, të reflektojnë. Rasti më i parë është seanca e javës së ardhshme e buxhetit të shtetit. Nuk ka moment më të rëndësishëm. Besoj që buxheti më i madh në histori, mbi 10 mld euro, e meriton për të qenë aty. Ulja e TVSH-së do të ketë ndikim të drejtpërdrejtë në shpenzimet e çdo familjeje. Data 30 nëntor është afati i fundit i komisionit të posaçëm të reformës zgjedhore. Grupi i PS s’mund të mbështesë zgjatjen e afatit. Konsensusi është 84 vota, ne e kemi dhe do ta miratojmë në mënyrë të njëanshme nëse PD nuk vjen. Anëtarësimin e Shqipërisë në BE smund ta mbajë peng askush.

Unë ende shpresoj që deri më 30 nëntor do të ketë një reflektim nga PD, por ligji i financimit të partive politike, duhet të miratohet me çdo kusht brenda Krishtlindjeve të këtij viti. Ne do të bëjmë të gjitha përpjekjet”, tha Balla.

Lajm në përditësim...

Rendit zhvillimet sipas orarit:
Ora 11:41
Balla kundër kërkesave të PD për ‘Zgjedhoren’: KZAZ-të duhet të shtohen, nuk përkrahim hapjen e listave për këshillat bashkiakë

1794392180_balla.jpg

Partia Demokratike nuk mund të bllokojë procesin e përafrimit të legjislacionit me BE, tha Taulant Balla. Ai kundërshtoi pakësimin e numrit të KZAZ-ve dhe hapjen e listave, të dyja kërkesa të PD.

“Kemi hyrë në muajin e 14-të të sesionit të tretë të kësaj legjislature. Të gjithë e dinë që kjo është legjislatura historike, ka një detyrë për përafrimin e legjislacionit të Shqipërisë me atë të BE-së. Prirja për ta bllokuar këtë proces janë prirje që s’mund t’i pranojmë. Ligji i financimit të partive politike është i rëndësishëm edhe për zgjedhjet e 9 majit. KZAZ-të duhet të shtohen. Ne jemi kundër hapjes së listave për këshillat bashkiakë. Në grupin parlamentar të PS, sot 36 deputetë vijnë nga listat e hapura. Sot ke 1/3 e listës të mbyllur dhe 2/3 të hapur”, tha Balla.

P.J/Shqiptarja.com