Kryeministri Hristijan Mickoski deklaroi se tarifat e energjisë elektrike për amvisëritë mund të pësojnë një rritje deri në 5 për qind, ndërsa autoritetet po hartojnë masa për ta zbutur këtë ndikim.
Ndërhyrjet e planifikuara përfshijnë sigurimin e qymyrit nga Kosova për REK Manastirin, përdorimin e prodhimit vendas dhe importimin e sasive shtesë të energjisë nga Greqia. Në të njëjtën kohë, synohet që blloku i tretë i termocentralit në Manastir të rikthehet në punë.
Të lidhura
None found
Sipas Mickoskit, në tregjet evropiane çmimet e energjisë elektrike janë rritur deri në tri herë. Ai bëri të ditur se gjatë muajve të ardhshëm çmimi mund të shkojë në 350–400 euro për megavat-orë.
Për transportimin e qymyrit nga Kosova është duke u përgatitur një kapacitet prej më shumë se 6.000 tonësh në ditë, ku do të angazhohen mbi 200 kamionë.
Kryeministri theksoi se Qeveria po vepron për të garantuar stabilitetin e furnizimit me energji dhe për të kufizuar pasojat e krizës tek çmimet që paguajnë qytetarët.
