Këtë të enjte, Shqipëria pritet të përballet me mot të paqëndrueshëm. Qielli do të ketë vranësira mesatare deri të dendura, ndërsa në disa zona do të ketë reshje shiu.
Parashikimi meteorologjik tregon se shiu do të nisë në orët e para të 24-orëshit dhe përgjithësisht do të jetë me intensitet të ulët.
Të lidhura
None found
Në veriperëndim, reshjet mund të arrijnë intensitet mesatar dhe të shfaqen si shtrëngata, të shoqëruara me shkarkesa elektrike.
Era do të fryjë kryesisht nga kuadrati i Jugut, me shpejtësi mesatare 10 m/s. Në bregdet dhe në lugina, shpejtësia e saj mund të arrijë deri në 25 m/s.
Në det parashikohet valëzim me forcë 4-6 ballë, prandaj në zonat bregdetare kërkohet kujdes i shtuar.
