Rektorja në detyrë Prof. Dr. Blerta Dragusha, ka konfirmuar zyratarisht kandidimin për rektore e Universitetit “Luigj Gurakuqi” të Shkodrës në zgjedhjet që do të mbahen me 14 dhjetor 2026.
Konfirmimi ka ardhur pas interesimit të ShkodraWeb për zgjedhjet që pritet të plotësojnë vakuumin institucional pas dorëheqjes së ish- rektorit Tonin Gjuraj nga kjo detyrë.
Ndërkohë, ShkodraWeb ka kontaktuar edhe me persona, të cilët nga mediat shfaqen si kandidatë të mundshëm për këtë garë. Në respekt të privatësisë, pa evidentuar emra, një nga emrat nuk është prononcuar ndërsa një tjetër është shprehur se është në pritje të përcaktimit të afateve për regjistrimin e kandidatëve nga KIZ i UNISHK.
KUSH ËSHTË BLERTA DRAGUSHA SIPAS CV-së NË FAQEN ZYRTARE TË UNISHK
Prof. Dr. Blerta Dragusha është pedagoge dhe kërkuese shkencore pranë Departamentit të Financë-Kontabilitetit, Fakulteti Ekonomik, Universiteti i Shkodrës “Luigj Gurakuqi”, ku kontribuon në mësimdhënie dhe kërkim shkencor që prej vitit 1998. Aktualisht mban detyrën e Rektorit të Universitetit të Shkodrës “Luigj Gurakuqi” . Fusha e saj e studimit janë Investimet e Huaja Direkte, Financa e Korporatave, Përgjegjësia Sociale, Struktura e Kapitalit, Menaxhimi Financiar etj. Është autore dhe bashkautore e një sërë publikimesh në revista dhe botime ndërkombëtare, si dhe pjesëmarrëse aktive në konferenca shkencore. Ka mbajtur postin e Drejtueses së Departamentit të Financë-Kontabilitetit gjatë viteve 2009–2016 dhe Dekane e Fakultetit Ekonomik gjatë viteve 2016-2024. Ka eksperiencë në pjesmarrje dhe koordinim të projekteve kërkimore dhe zhvillimore me partnerë kombëtarë dhe ndërkombëtarë, si dhe eksperienca mësimdhëniejeje në Universitete Evropiane dhe Amerikane. Gjithashtu, kontribuon si anëtare në borde editoriale nw revista shkencore dhe konfereca ndërkombëtare.
Publikimet kryesore:
The impact of state regulations on Foreign Direct Investment Flow in the Western Balkans (2026), Virtus Interpress https://doi.org/10. 22495/jgrv15i1art23
Synergizing Sustainability and Financial Prosperity: Unraveling the Structure of Business Profit Growth through Consumer-Centric Strategies- The cases of Kosovo and Albania (2024), International Journal of Financial Studies https://doi.org/10. 3390/ijfs12020035
Investigating Accounting factors through Audited Financial Statements in Businesses toward a Circular Economy: Why a Sustainable Profit Through Qualified Staff and Investment in Technology? (2023), Administrative Sciences https://doi.org/10.3390/admsci13030072
The impact of foreign trade liberalization on Albania’s economic growth: An econometrical approach (2023), Journal of Eastern European and Central Asian Research https://doi.org/10.15549/jeecar.v10i2.1097
Projekte të fituara:
GERMIN Diaspora4Innovation (2025)
READ Fellowship Programme (2022)
U-SIA (618997-EPP-1-2020-1-AL-EPPKA2-CBHE-JP), (2021)
