Përzgjedhësi i Kombëtares së Shqipërisë, Rolando Maran ka konfirmuar listën prej 23 futbollistëve për ndeshjen ndaj Finlandës, duke larguar katër lojtarë nga lista paraprake.
Kombëtarja kuqezi është nikoqire e Finlandës në ndeshjen e pestë të vlefshme për Grupin 1 të Ligës C në Ligën e Kombeve.
Ky takim është paraparë të luhet nga ora 20:45 në “Air Albania Stadium” dhe tashmë përzgjedhësi Maran ka zgjedhur 23 futbollistët që do t’i ketë në dispozicion.
Për dallim nga lista paraprake prej 27 lojtarësh, trajneri italian ka vendosur t’i largojë katër lojtarë duke i lënë në tribunë për këtë përballje.
Në listën zyrtare të dorëzuar në UEFA mungojnë mbrojtësit Samuele Sina dhe Ysni Ismaili, si dhe mesfushorët Klevi Qefalija dhe Feta Fetai.
Qefalija, Ismaili, Sina dhe Fetai jashtë listës
Sina dhe Ismajli shiheshin si prurje pozitive të ekipi kombëtar për pozitën e mbrojtësit të djathtë, por Elseid Hysaj, edhe pse pa ekip që nga vera, vazhdon të mbetet i paprekshëm edhe për Maran.
Zgjedhjet e Maran tashmë kanë shkaktuar debat në mesin e tifozëve shqiptarë, të cilët nuk janë të kënaqur me vendimet e tij. /Telegrafi/
Hysaj i paprekshëm
