Ministrja e Ekonomisë, Artane Rizvanolli, ka paralajmëruar një dimër me sfida të mëdha energjetike për Kosovën, pasi, sipas saj, çmimi i rrymës ka kapur shifrën e 500 eurove për megavat-orë në fillim të nëntorit. Situatën aktuale, ajo e ka krahasuar me krizën energjetike të vitit 2021, kur çmimet e tilla ishin regjistruar në kulmin e dimrit.

Ministrja deklaroi se kjo rritje vjen si pasojë e luftës në Iran dhe bllokimit të Ngushticës së Hormuzit.

Rizvanolli ka deklaruar se edhe Kosova po përballet me sfida, sidomos për shkak të bllokut B1 të Termocentralit Kosova B, i cili është jashtë funksionit që nga 6 prilli për shkak të investimeve në elektrofiltra dhe sistemin e deazotizimit.

Si masë për përballimin e situatës, ministrja ka bërë të ditur se janë rritur kapacitetet interkonektive me Shqipërinë, Malin e Zi dhe Maqedoninë e Veriut për 350 megavat në total.

IN Promo Marketing

Telefoni që dikur konsiderohej i pariparueshëm, sot mund të ketë një shans të dytë – ZONE Mobile ngrit nivelin e...

Barni – ëmbëlsia e fëmijërisë

Prishtinë–Basel, dy fluturime në ditë me PrishtinaTickets – rezervoni tani!