Audi ka konfirmuar se supervetura e re Nuvolari do të shitet edhe në SHBA, por vetëm në sasi të kufizuar. Nga 499 njësi të planifikuara për prodhim në të gjithë botën, 182 janë caktuar për tregun amerikan, ku çmimi fillestar do të jetë 700 mijë dollarë.
Modeli kombinon një motor V8 biturbo me 789 kuaj fuqi dhe tre motorë elektrikë, për të arritur një fuqi të përgjithshme prej 987 kuajsh. Ai përshpejton nga 0 në 96 km/h për 2.5 sekonda dhe arrin një shpejtësi maksimale prej rreth 350 km/h.
Të lidhura
None found
Nuvolari ka teknologji të frymëzuara nga Formula 1, aerodinamikë aktive dhe sistemin inteligjent Quattro, që mundëson tërheqjen në të katër rrotat. Audi ofron gjithashtu mbi 50 ngjyra për pjesën e jashtme, disa mundësi personalizimi për enterierin dhe elemente prej fibrash karboni.
Porositë janë hapur për një kohë të kufizuar, ndërsa dorëzimet parashikohen të nisin në gjysmën e parë të vitit 2028.
