Aksident tragjik në Emiratet e Bashkuara Arabe, 14 të vdekur dhe 30 të plagosur

12 Nëntor 2026 | 18:30

Të paktën 14 persona kanë humbur jetën dhe 30 të tjerë janë plagosur si pasojë e një aksidenti të rëndë rrugor në Emiratet e Bashkuara Arabe, ku janë përfshirë 18 automjete dhe pesë kamionë.

Aksidenti ka ndodhur të enjten (12 nëntor), në emiratin Fujairah, dhe konsiderohet një nga aksidentet rrugore më vdekjeprurëse në historinë e vendit.

Sipas Policisë së Fujairah, aksidenti ndodhi pasi drejtuesi i një kamioni humbi kontrollin e automjetit pak para mesnatës, në rrugën Sheikh Khalifa bin Zayed, pranë hyrjes së emiratit.

Kamioni u përplas fillimisht me një automjet tjetër, më pas u përmbys dhe goditi disa automjete që kishin ndaluar për shkak të trafikut të rënduar. Përplasja shkaktoi zjarr në kamion, i cili u përhap më pas edhe në disa makina dhe automjete të tjera.

Menjëherë pas ngjarjes, ekipet e emergjencës, forcat e mbrojtjes civile, ambulancat dhe policia mbërritën në vendngjarje, ku ndërhynë për shuarjen e zjarrit dhe transportimin e të plagosurve në spitale.

Sipas Policisë së Fujairah, 15 nga personat e plagosur janë larguar nga spitali, ndërsa 15 të tjerë vijojnë të marrin trajtim mjekësor. Mes viktimave ka edhe shtetas të Emirateve të Bashkuara Arabe, ndërsa për identifikimin e disa prej personave të tjerë që humbën jetën autoritetet po përdorin testet e ADN-së.

Në një deklaratë, Ministria e Brendshme e Emirateve të Bashkuara Arabe bëri të ditur se ekipet e emergjencës dhe grupet e specializuara kanë mbërritur në vendngjarje për të hetuar shkaqet dhe rrethanat e aksidentit tragjik.

Ministria u ka bërë gjithashtu thirrje qytetarëve që të informohen përmes burimeve zyrtare dhe të shmangin përhapjen e thashethemeve apo informacioneve të paverifikuara, duke kërkuar respekt për familjet e viktimave dhe për procesin e identifikimit dhe hetimit që po zhvillohet.

Home Kryefaqja
Shiko në: YouTube
Lajme të Sugjeruara

Robotë humanoide në tunelet e Hamasit në Gaza (VIDEO)

Një kompani në të cilën ka investuar Eric Trump, djali i presidentit amerikan, është në bisedime me ushtrinë izraelite për të furnizuar robotë humanoide, të...
18:11 | 12/11/2026

Rrëzohet një helikopter ushtarak në Turqi, ekipet e shpëtimit mbërrijnë në vendngjarje (VIDEO)

Katër ushtarë kanë humbur jetën pasi një helikopter ushtarak i tipit S-70 u rrëzua të enjten pasdite (12 nëntor) në provincën e Malatya-s, në lindje...
17:50 | 12/11/2026

Elon Musk për Jensen Huang: Do të ishte një nder ta punësoja

Elon Musk tha se ishte gati të punësonte Jensen Huang, pasi CEO i Nvidia përballet me mundësinë e shkarkimit nga kompania që themeloi pas zbulimeve...
17:17 | 12/11/2026