Astrologu Jorgo Pulla ka sjellë parashikimin astrologjik për 12 shenjat e zodiakut, duke u ndalur te zhvillimet që priten gjatë së premtes dhe fundjavës. Sipas tij, pozicionimi i planetëve favorizon veçanërisht çështjet ekonomike, karrierën, vendimet e rëndësishme dhe marrëdhëniet personale.

Dashi

Një periudhë pozitive për karrierën, financat dhe bashkëpunimet. Mund të shfaqen mundësi të reja ekonomike, ndërsa e shtuna paradite është e favorshme për bisedime dhe plane afatgjata.

Demi

Në fokus janë marrëdhëniet sentimentale dhe vendimet personale. E shtuna dhe veçanërisht e diela sjellin mundësi për ndryshime, afrime dhe fillime të reja.

Binjakët

Disa të vërteta dhe çështje të së kaluarës mund të dalin në dritë. Astrologu këshillon të ruhet qetësia dhe të përdoret arsyeja për të zgjidhur keqkuptimet. Fundjava favorizon udhëtimet dhe komunikimin.

Gaforrja

Një periudhë e rëndësishme për çështjet ligjore dhe zgjidhjen e problemeve të vjetra. Mund të vijë momenti për të kërkuar të drejtën e merituar. Kujdes me firmosjen e dokumenteve gjatë së shtunës.

Luani

Një marrëveshje ose kontratë që nuk u konkretizua mund të rezultojë në favorin tuaj. Kontrolloni me kujdes dokumentet dhe shifrat përpara çdo firmosjeje. E shtuna dhe e diela janë ditë pozitive për zhvillime të reja.

Virgjëresha

Mundësi të rëndësishme për stabilizim ekonomik, punë dhe projekte të reja. E diela favorizon bisedimet, marrëveshjet dhe çështjet që lidhen me pronën apo qiranë.

Peshorja

Një periudhë mjaft pozitive për vendime dhe iniciativa të reja. E premtja pasdite dhe e diela favorizojnë marrëdhëniet sentimentale, ndërsa fundjava sjell mundësi për zhvillime të rëndësishme.

Akrepi

Në plan të parë dalin karriera, biznesi dhe financat. Mund të konkretizohen marrëveshje ose bashkëpunime të reja. E diela konsiderohet veçanërisht e favorshme për vendime profesionale.

Shigjetari

Takime të rëndësishme dhe vendime që mund të ndikojnë në të ardhmen ekonomike. E shtuna favorizon bisedat në çift dhe zgjidhjen e çështjeve sentimentale, ndërsa e diela është e përshtatshme për biznesin.

Bricjapi

Një nga shenjat më të favorizuara të kësaj periudhe. Hëna në shenjën tuaj ndihmon në zgjidhjen e çështjeve të mbetura pezull, financave dhe takimeve të rëndësishme. E shtuna sjell mundësi për konkretizim dhe stabilizim ekonomik.

Ujori

Takimet dhe komunikimet marrin rëndësi të veçantë. E shtuna paradite dhe e diela pas drekës janë momentet që duhen shfrytëzuar për të mbyllur çështje të vjetra dhe për të ecur përpara.

Peshqit

Një e premte pozitive, veçanërisht gjatë paradites. Fundjava sjell mundësi për nisma të reja, ndryshime në marrëdhëniet sentimentale dhe bisedime të rëndësishme për të ardhmen.

/rtsh.al/