Dy vatra zjarri në Gramsh, flakët përhapen në sipërfaqe pyjore, zjarrfikësit në terren

Dy vatra zjarri janë regjistruar në territorin e Gramshit, ku efektivët e MZSH-së vijojnë ndërhyrjen që prej orës 20:00 të mbrëmjes së kaluar.

Vatra e parë është evidentuar në fshatin Bulçar, në Njësinë Administrative Kodovjat, ku flakët kanë përfshirë sipërfaqe pyjore dhe shkurre.

Ndërsa vatra e dytë është regjistruar në fshatin Snosëm, në Njësinë Administrative Kukur, ku zjarri ka përfshirë ballat e barit të përdorura për ushqimin e blegtorisë.

Era e fortë ka favorizuar përhapjen e flakëve dhe ka vështirësuar ndërhyrjen e zjarrfikësve, të cilët pavarësisht orëve të gjata në terren vijojnë punën për shuarjen e plotë të zjarreve dhe parandalimin e riaktivizimit të tyre.

/vizionplus.tv