Rosalía bën histori në Latin Grammy, fiton për herë të tretë çmimin “Albumi i Vitit”, rrëmben gjithsej pesë trofe
Këngëtarja spanjolle Rosalía ka shkruar histori në Latin Grammy 2026, duke fituar për herë të tretë çmimin prestigjioz “Albumi i Vitit” me albumin e saj “Lux”, të publikuar në vitin 2025. Me këtë arritje, ajo bëhet gruaja e parë që fiton tri herë këtë çmim si artiste kryesore.
Në ceremoninë e 27-të të Latin Grammy, të mbajtur më 12 nëntor në Las Vegas, Rosalía triumfoi me gjithsej pesë çmime. Përveç “Albumit të Vitit”, ajo u vlerësua edhe për “Këngën e Vitit” dhe “Këngën më të Mirë Pop” me “La Perla”, si dhe për albumin më të mirë alternativ dhe videoklipin më të mirë të shkurtër me “Sauvignon Blanc”. Gjatë marrjes së çmimit kryesor, këngëtarja nuk i mbajti dot emocionet, duke ia kushtuar suksesin nënës së saj dhe duke falënderuar muzikantin kolumbian Juanes, i cili i dorëzoi trofeun.
Albumi “Lux” shënon një tjetër eksperiment artistik për Rosalían, duke ndërthurur muzikën klasike dhe operën me 14 gjuhë të ndryshme, ndërsa trajton tema si feja, dashuria dhe identiteti femëror. Ky është triumfi i saj i tretë në kategorinë “Albumi i Vitit”, pas fitoreve në vitin 2019 me “El Mal Querer” dhe në vitin 2022 me “Motomami”.
