Ardhja e Mauricio Pochettinos si trajner i Manchester United është tashmë zyrtare: argjentinasi do të largohet nga roli i tij në kombëtaren e Shteteve të Bashkuara për të marrë drejtimin në “Old Trafford”, duke zëvendësuar Michael Carrickun, i cili është shkarkuar.

United do të paguajë një klauzolë lirimi prej rreth 9 milionë eurosh për Federatën Amerikane të Futbollit. Pochettino bëhet trajneri i nëntë që merr drejtimin e “Djajve të Kuq” që nga largimi i Sir Alex Ferguson-it në vitin 2013, duke nënshkruar një kontratë që zgjat deri në vitin 2029.

“Klubi ka arritur një marrëveshje me Federatën Amerikane të Futbollit për të siguruar shërbimet e Mauricio Pochettinos dhe stafit të tij teknik, pas përfundimit të angazhimeve të tij me kombëtaren e meshkujve të SHBA-së,” deklaroi klubi në një njoftim zyrtar.

Trajneri argjentinas do të mbërrijë në “Old Trafford” pas përballjes së dyfishtë të radhës kundër Haitit, në kuadër të Ligës së Kombeve të CONCACAF-it.

“Ky është një vendim shumë i trishtë – vendimi më i vështirë i karrierës sime,” tha Pochettino, i përlotur, gjatë konferencës për shtyp të lamtumirës me kombëtaren e SHBA-së.