Aktorja amerikane, Monica Barbaro, ishte ndër të ftuarat në mbrëmjen GQ Men of the Year, të organizuar në hotelin Chateau Marmont në Los Angeles, ku spikati me një fustan elegant bardhë e zi.
Ajo kishte zgjedhur një model pa mëngë, me pjesën e sipërme të zezë dhe një dekolte të thellë në formë V, që zbriste pothuajse deri në bel.
Pjesa e poshtme ishte e bardhë, me palosje dhe gjatësi poshtë gjurit.
Aktorja e kishte kompletuar veshjen me këpucë të zeza me majë të mprehtë dhe taka të larta, ndërsa flokët e errët i kishte stiluar në valë të buta.
Mbrëmja shënoi edicionin e 31-të të çmimeve GQ Men of the Year. Mes emrave të vlerësuar ishin regjisori Denis Villeneuve, i shpallur regjisor i vitit për filmin "Dune: Part Three", si dhe Michael Rider i Celine, i cili mori çmimin e dizajnerit të vitit.
Barbaro njihet për rolin e saj si pilote Phoenix në "Top Gun: Maverick", ndërsa mori vlerësime të rëndësishme për interpretimin e këngëtares Joan Baez në filmin "A Complete Unknown".
Ajo është gjithashtu ambasadore e shtëpisë së modës Dior. /Telegrafi/
