Një cisternë është përplasur të premten me një anije turistike në lumin e Nju Orlinsit, duke bërë që kjo e fundit të anojë dhe të zhytet pjesërisht në ujë. Në bord ndodheshin rreth 129 pasagjerë.
Zyra e kryetares së bashkisë së Nju Orlinsit, Helena Moreno, bëri të ditur se disa persona janë shpëtuar, ndërsa operacionet e kërkim-shpëtimit vijojnë.
Sipas Autoritetit Portual të Nju Orlinsit, në anijen turistike “American Heritage” ndodheshin rreth 129 pasagjerë në momentin e incidentit.
Pamjet nga vendngjarja tregojnë se cisterna, shumë më e madhe në përmasa, u përplas me anijen turistike me rrota lopatë, e cila duket se ishte e ankoruar në momentin e goditjes. Pas përplasjes, njëra anë e anijes turistike u zhyt më tej në ujë.
Sipas Euronews, anija kishte mbërritur në port rreth dy orë përpara orarit të parashikuar, për të nisur zbarkimin e pasagjerëve.
Autoriteti Portual bëri të ditur se pasagjerët po sistemohen në ndërtesën e administratës së portit. Deri tani, autoritetet nuk kanë dhënë informacion nëse ka persona të plagosur apo viktima.
