Ndeshjet e mbrëmjes në Ligat B, C dhe D të Ligës së Kombeve prodhuan disa rezultate interesante, me Islandën që regjistroi fitoren më të thellë të këtij raundi.

Në Ligën B, Skocia triumfoi 2-1 ndaj Maqedonisë së Veriut. Skocezët kaluan në avantazh me anë të MekGinit në minutën e 54-t, por vetëm tre minuta më vonë Rastoder riktheu baraspeshën për miqtë. Megjithatë, vendasit arritën të siguronin fitoren. Ndërkohë, përballja mes Sllovenisë dhe Zvicrës përfundoi pa gola, me të dyja skuadrat që u ndanë nga një pikë.

Në Ligën C, vëmendjen e mori Islanda, e cila shkatërroi Bullgarinë me rezultatin 5-0 në transfertë. Një fitore të rëndësishme arriti edhe Estonia, që mposhti 1-0 Luksemburgun. Moldavia mori tri pikët në shtëpi ndaj Kazakistanit, ndërsa sfida mes Sllovakisë dhe Ishujve Faroe ishte më e luftuara, duke përfunduar në barazim 2-2.

Edhe në Ligën D pati rezultate që vendosën fatin e pikëve. Andorra fitoi 2-0 ndaj Gjibraltarit, ndërsa Azerbajxhani mori një sukses minimal 1-0 në transfertën kundër Lihtenshtajnit.