Plagosi rëndë 38-vjeçarin në bashkëpunim me të vëllanë, arrestohet 23-vjeçari në Mirditë

Aktualitet | 1 minutë më parë

Një 23-vjeçar i shpallur në kërkim është arrestuar në Mirditë, pasi akuzohet se në bashkëpunim me vëllanë e tij ka plagosur rëndë me mjete të forta një 38-vjeçar në Rrëshen.

23-vjeçari ishte shpallur në kërkim, pasi Gjykata e Lezhës kishte caktuar ndaj tij masën e sigurisë “Arrest në burg”, për veprën penale “Plagosja e rëndë me dashje”, kryer në bashkëpunim.

Sipas policisë, ngjarja ka ndodhur më 27 tetor 2026, në Rrëshen, ku i riu, së bashku me vëllanë e tij 31-vjeçar, me inicialet J. Gj., dyshohet se kanë goditur me mjete të forta 38-vjeçarin E. Gj.

Ndërkohë, policia vijon punën për kapjen e 31-vjeçarit, i cili gjithashtu është shpallur në kërkim.

Materialet procedurale i janë referuar Prokurorisë së Lezhës për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.