Një aksident i rëndë trafiku me pasoja fatale ka ndodhur pranë tunelit të Murrizit në Rrugën e Arbrit, ku dy automjete janë përplasur kokë më kokë në vendin e quajtur “Zall Maricë”, në Njësinë Administrative Zall Bastar të Tiranës.
Si pasojë e goditjes së fortë, dy persona kanë ndërruar jetë në vend, ndërsa pesë të tjerë kanë mbetur të plagosur rëndë.
Viktimat e këtij aksidenti tragjik janë drejtuesi 42-vjeçar i njërit prej automjeteve, Bledian Osmani, si dhe shtetasja Maltina Ferati, rreth 45 vjeçe, e cila ndodhej si pasagjere në automjetin tjetër.
Ndërkohë, pesë pasagjerët e tjerë që udhëtonin në të dyja veturat janë dërguar me urgjencë në spital, ku po marrin ndihmën e nevojshme mjekësore.
Nga hetimet e para në terren, dyshohet se shkaktar i humbjes së kontrollit mbi automjetet ka qenë edhe lagështira në rrugë. Grupi hetimor po vijon punën në vendngjarje për të zbardhur plotësisht rrethanat dhe shkaqet e kësaj ngjarjeje të rëndë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2026 Gazeta Online Insajderi - Të gjitha të drejtat e rezervuara.
