Philipp Plein është një prej emrave të dallueshëm të modës luksoze, me një estetikë ekstravagante që ndërthur elementet rock, detajet e guximshme dhe dizajnet që nuk kalojnë pa u vënë re. Marka është kthyer në një zgjedhje të preferuar edhe për personazhe të njohur të showbiz-it, mes të cilëve duket se bën pjesë edhe reperi shqiptar Stresi.
Ky i fundit ka ndarë së fundmi në rrjetet sociale një fotografi, të cilën e ka shoqëruar me një mesazh mjaft domethënës për preferencën e tij: “Para se të bëhej modë, isha unë në lojë. Philipp Plein old school”.
Me këtë deklaratë, Stresi lë të kuptohet se lidhja e tij me markën nuk është thjesht një zgjedhje e momentit, por një preferencë që e ka pasur shumë përpara se ajo të kthehej në trend.
E themeluar nga stilisti gjerman Philipp Plein, marka njihet për motivet e kafkave, gurët dekorativë, logot e dukshme dhe veshjet me frymë rock, elemente që përputhen edhe me stilin e guximshëm të reperit.
Ndërkohë, emri i Philipp Plein ka marrë vëmendje edhe në Shqipëri përtej industrisë së modës. The Plein Hotel, projekti hotelier i stilistit me famë botërore, i përuruar vetëm pak muaj më parë në Milano, ka zgjedhur Tiranën si qytetin e parë për zgjerimin e tij jashtë Italisë.
Duket se Philipp Plein po krijon gjithnjë e më shumë prani edhe në Shqipëri, ndërsa Stresi, me postimin e tij të fundit, na kujton se për të kjo markë ka qenë pjesë e stilit shumë përpara se të bëhej trend.