Në zemër të Alpeve Shqiptare, atje ku natyra shfaq madhështinë e saj në çdo cep, rruga që të çon drejt Dragobisë në Tropojë rezervon gjithmonë emocione të papërsëritshme.
Teksa përshkon këtë aks magjik, i rrethuar nga shkëmbinj të thepisur dhe ngjyrat fantastike të vjeshtës e natyrës alpine, një pamje e rrallë dhe simbolike të ndal anën tjetër të udhëtimit: mbretëresha e maleve tona, shqiponja dykrenare, duke pushuar qetësisht mbi kurorën e pishave dhe shkëmbinjve të Tropojës.
Ky moment spektakolar, i kapur në hyrje të rrugës për në Dragobi, dëshmon edhe një herë se Tropoja nuk është thjesht një destinacion turistik, por një strehë e paprekur e faunës dhe bukurive të egra shqiptare. Shkëmbinjtë e lartë, ajri i pastër dhe liria që të fal ky peizazh bëjnë që çdo udhëtar të ndiejë forcën dhe shpirtin e vërtetë të malesh.
Një ftesë e hapur për të gjithë dashamirësit e natyrës dhe udhëtimeve autentike që të vizitojnë këtë rrugë magjike, ku tradita, legjendat dhe natyra e egër bashkohen në një pamje të vetme epike!
