Qeveria e Estonisë ka marrë vendimin drastik për të mbyllur plotësisht të gjitha pikat e kalimit kufitar me Rusinë, pas zbulimit dhe pengimit të një operacioni të dyshuar sabotimi të orkestruar nga shërbimi i inteligjencës ushtarake ruse, GRU.

Lajmi u bë i ditur nga Ministri i Jashtëm estonez, Margus Tsahkna, i cili njoftoi përmes një deklarate se “Estonia do të mbyllë të gjitha pikat kufitare midis Estonisë dhe Rusisë duke filluar nga 1 dhjetori”.

Masat e jashtëzakonshme vijnë pas një operacioni të suksesshëm të shërbimeve të sigurisë estoneze, të cilat arritën të ndalonin në minutën e fundit një përpjekje për të dëmtuar dhe vënë në funksion një fabrikë dronësh brenda vendit, skenar që sipas autoriteteve drejtohej nga strukturat e inteligjencës së Moskës.

Ky hap vjen në një kohë kur vendet baltike kanë rritur ndjeshëm shkallën e alarmit përballë aktiviteteve hibride, sulmeve kibernetike dhe përpjekjeve të ndërhyrjes që lidhen me konfliktin në Ukrainë, duke zgjedhur mbrojtjen e kufijve dhe sigurisë kombëtare si prioritet absolut.

/rtsh.al/