Fitorja 0-2 ndaj Bjellorusisë në Budapest i siguroi Shqipërisë vendin e parë në grup. Kuqezinjtë kanë ndryshuar nën drejtimin e Rolando Maran, i cili shprehu kënaqësinë për ekipin gjatë prononcimit për mediat pas takimit.
Të lidhura
None found
Trajneri ua kushtoi lojtarëve meritat për ecurinë, duke veçuar fitoret, futbollistët që kanë debutuar dhe treguesit statistikorë. Ai theksoi se Kombëtarja ka regjistruar një rekord pikësh, krahas numrit të lartë të golave të shënuar dhe të paktëve të pësuar.
I pyetur nëse grupi i kishte përvetësuar idetë e tij, Maran shpjegoi se një vlerësim i tillë është i vështirë në nisje të rrugëtimit. Sipas tij, megjithatë, ndeshjet e zhvilluara kanë dëshmuar një rritje të madhe të skuadrës.
Lidhur me dëshirën e shqiptarëve për Europianin, tekniku u shpreh se ekipi ndodhet në pozitat e duhura dhe se tifozët kanë të drejtë ta kërkojnë atë objektiv. Maran falënderoi gjithashtu presidentin për besimin e dhënë, ndërsa tha se ndihet i lumtur edhe për tifozët dhe mbështetjen që ata i ofrojnë Kombëtares.
