Luka Modriç ka shënuar një tjetër arritje të madhe në karrierën ndërkombëtare: ai ka luajtur 208 ndeshje për Kombëtaren e Kroacisë.
Këtë numër e arriti në sfidën e Ligës së Kombeve kundër Republikës së Çekisë, duke barazuar Lionel Messin për paraqitjet me kombëtaret në historinë e futbollit.
Të lidhura
None found
Në renditjen e futbollistëve me më shumë ndeshje ndërkombëtare për meshkuj, vetëm Cristiano Ronaldo i ka kaluar Modriçin dhe Messin. Portugezi ka zhvilluar 234 takime me përfaqësuesen e vendit të tij.
Mesfushori kroat e nisi karrierën me kombëtaren më shumë se dy dekada më parë. Ai vijon të jetë kapiten dhe një prej drejtuesve kryesorë të skuadrës, duke shtuar rekorde në një karrierë të jashtëzakonshme.
Edhe pas shumë vitesh në futboll, Modriç vazhdon të jetë ndër figurat qendrore të përfaqësueses kroate dhe të shkruajë histori me fanellën e saj.






