Qarkullonte me pistoletë, arrestohet 23-vjeçari në Vlorë, në pranga edhe shoferi 37-vjeçar
Një 23-vjeçar është arrestuar në flagrancë në Vlorë, pasi u kap duke qarkulluar me armë zjarri pa leje. Në pranga ka përfunduar edhe 37-vjeçari që e transportonte me automjet, i cili akuzohet për moskallëzim krimi.
Arrestimet u kryen në kuadër të operacionit policor të koduar “Siguria”, të organizuar nga Forca e Posaçme “Shqiponja” në bashkëpunim me specialistët për Hetimin e Krimeve të Komisariatit të Policisë Vlorë.
Sipas policisë, pas informacioneve se një person lëvizte i armatosur në qytet, uniformat blu kanë ndërhyrë në lagjen “Kushtrimi”, ku kanë ndaluar për kontroll automjetin me të cilin udhëtonin dy shtetasit.
Gjatë kontrollit fizik të pasagjerit, 23-vjeçarit me inicialet R.H., është gjetur një armë zjarri pistoletë, të cilën dyshohet se e mbante pa leje.
Në përfundim të veprimeve procedurale, u arrestuan R.H., 23 vjeç, për veprën penale “Mbajtja pa leje dhe prodhimi i armëve, armëve shpërthyese dhe i municionit”, si dhe drejtuesi i automjetit, A.Ç., 37 vjeç, për “Moskallëzimi i krimit”. Ky i fundit rezulton me precedent penal në fushën e narkotikëve.
Në cilësinë e provës materiale u sekuestruan pistoleta, automjeti dhe dy telefona celularë.
Materialet procedurale i janë referuar Prokurorisë së Vlorës për veprime të mëtejshme.
Shpërthimi i dytë në 14 ditë, tritol dyqanit të luleve në Tufinë
Reshje shiu në gjithë vendin, meteorologia Porja: Të mërkurën dhe të premten priten rrebeshe
GJKKO rrëzon kërkesën e Adriatik Llallës për parashkrimin e dënimit me 2 vite burg
- 10:30 Franca ndalon shitjen dhe përdorimin e fishekzjarrëve pas përshkallëzimit të protestave
- 10:25 Shpërthimi i dytë në 14 ditë, tritol dyqanit të luleve në Tufinë
- 10:15 Vdes 26-vjeçarja në Prizren, po merrej në pyetje nga antidroga kur iu përkeqësua gjendja shëndetësore
- 09:51 “Kosova është e Serbisë”, Kos shpreh keqardhje për këngën që nxiti reagime në Forumin e Zgjerimit
- 09:48 Reshje shiu në gjithë vendin, meteorologia Porja: Të mërkurën dhe të premten priten rrebeshe
- 09:46 Kurti ndalon tregtimin e energjisë elektrike me kompanitë serbe: Masë e parë ndaj tyre, mund të përshkallëzohet nëse nuk ka reflektim