Pagesat nga GEN-I dhe përqindja prej 0.5% – Martin Berishaj përgjigjet për kontratat e energjisë

Në Debat Plus, gazetari Lirim Mehmetaj e ka pyetur ambasadorin e Kosovës në Kroaci, Martin Berishaj, lidhur me pagesën prej 0.5 për qind të vlerës së kontratave për furnizim me energji elektrike, të cilat kompania GEN-I Beograd kishte deklaruar se i kishte paguar atij.

Pyetja e Mehmetajt vjen pas raportimeve në mediat sllovene për hetimet lidhur me transaksionet financiare mes kompanisë GEN-I Beograd dhe bizneseve të Berishajt.

Në një emision të televizionit publik slloven RTVSLO, kryetari i bordit të GEN-I në Slloveni, Maks Helbl, kishte deklaruar se GEN-I Beograd i kishte paguar Berishajt 0.5 për qind të vlerës së kontratave për furnizim me energji elektrike, të cilat ai kishte ndihmuar t’i siguronin në Kosovë, Shqipëri dhe Mal të Zi.

Duke iu referuar këtij raportimi, Mehmetaj e ka pyetur Berishajn nëse e konfirmon këtë deklarim dhe nëse pagesat ishin bërë me dijeninë e tij.

“Nuk e di çka jeni duke thënë, për besë. Jeni duke thirrë nëntë e gjysmë në mbrëmje… Sinqerisht nuk jam duke ju kuptuar. Ngadalë, se ia keni çuar pak ndal kësaj pune”, është përgjigjur Berishaj.

Gjatë emisionit, Berishaj iu referua periudhës kur kishte qenë këshilltar në GEN-I, duke e lidhur këtë funksion me pagesat për të cilat u pyet nga gazetari Mehmetaj.

“Pse merreni me këto insinuata? Ju duhet me pa se kur kam qenë si këshilltar në GEN-I”, ka thënë Berishaj.

Raportimi slloven për pagesat ndaj Berishajt

Sipas raportimit të televizionit publik slloven RTVSLO, Prokuroria e Specializuar Shtetërore e Sllovenisë dhe Njësia Kombëtare e Hetimeve kishin nisur, në fund të vitit 2022, hetimet për bashkëpunimin ndërmjet GEN-I Beograd dhe kompanive të lidhura me Martin Berishajn.

Në kuadër të kësaj çështjeje, në dy kompani të Berishajt, MB Consulting, me seli në Mal të Zi dhe Kosovë, ishin transferuar më shumë se dy milionë euro nga GEN-I Beograd. Sipas raportimit të Nova24TV-së, rreth 1.8 milionë euro nga këto mjete Berishaj i kishte tërhequr në para të gatshme.

Ndërkohë, Maks Helbl, kryetar i bordit të GEN-I në Slloveni, kishte deklaruar në emisionin “Tarča” se pagesat ndaj Berishajt përbënin 0.5 për qind të vlerës së kontratave për furnizim me energji elektrike, të siguruara në Kosovë, Shqipëri dhe Mal të Zi.

 

Shija e redaktorit

Presidenti kroat pritet ta vizitojë Kosovën në fillim të dhjetorit

Presidenti i Kroacisë, Zoran Milanoviq, pritet ta vizitojë Kosovën në fillim të muajit dhjetor të këtij viti. Kështu ka mësuar Dukagjini nga burimet e veta...

Nufi: Shqipëria do ta mbrojë Kosovën, asnjë qeveri në Tiranë...

Ministri i Mbrojtjes i Shqipërisë, Ermal Nufi, ka deklaruar se angazhimi i Shqipërisë për mbrojtjen e Kosovës është i pakushtëzuar, duke theksuar se asnjë...

Përkujtohet ditëlindja e heroit të Kosovës, Zahir Pajaziti

Sot shënohet 64-vjetori i lindjes së komandantit të Ushtrisë Çlirimtare të Kosovës dhe heroit të Kosovës, Zahir Pajaziti. Ai u lind më 1 nëntor 1962...

Të fundit nga rubrika