Netanyahu kritikon udhëheqësit evropianë: Irani është kërcënim, “nuk jeni spektatorë, por shënjestër” (VIDEO)
Kryeministri izraelit, Benjamin Netanyahu, ka paralajmëruar Evropën për kërcënimin që, sipas tij, paraqet Irani, gjatë një takimi me homologun e tij çek, Andrej Babis, të zhvilluar të martën në zyrën e tij në Jerusalem.
Netanyahu deklaroi se aftësitë ushtarake të Teheranit, aktiviteti terrorist dhe ambiciet bërthamore përbëjnë kërcënim jo vetëm për Izraelin, por edhe për vendet evropiane. Gjatë fjalës së tij, ai kritikoi gjithashtu udhëheqësit evropianë që, sipas tij, janë distancuar nga Izraeli.
Kryeministri izraelit e lidhi drejtpërdrejt sigurinë e Evropës me përballjen e Izraelit me Iranin, duke argumentuar se rreziku shtrihet përtej kufijve të Lindjes së Mesme.
“Raketat e Iranit nuk ndalen në kufijtë e Izraelit, as terrorizmi i tij, as ambiciet e tij bërthamore. Evropa nuk është spektatore. Evropa është një shënjestër”, deklaroi Netanyahu.
Ai iu drejtua gjithashtu udhëheqësve evropianë që kanë mbajtur qëndrime të ndryshme nga politika e Izraelit, duke vlerësuar pozicionin e kryeministrit çek.
“Ka udhëheqës të dobët që i kthejnë shpinën Izraelit, ndërsa ju qëndroni me kokë. Ju nuk ndiqni turmën, nuk tërhiqeni përballë terrorizmit, ju ndiqni ndërgjegjen tuaj”, tha Netanyahu, duke iu drejtuar Babišit.
Pak para përfundimit të deklaratave zyrtare, kryeministri çek iu përgjigj homologut të tij izraelit, duke vlerësuar sigurinë dhe mundësitë për investime në vendin e tij.
“Republika Çeke është një vend shumë i sigurt”, deklaroi Babiš, ndërsa Netanyahu u pajtua me të.
“Shumë i sigurt. Dhe është e ardhmja e Evropës. E dini, shumë njerëz po lëvizin nga Gjermania në Republikën Çeke, në këtë rajon. Kjo është e ardhmja. Republika Çeke është vendi më i mirë për investime”, u shpreh kryeministri çek.
Vizita e Babišit nisi me një takim privat me Benjamin Netanyahun, gjatë të cilit të dy udhëheqësit zhvilluan bisedime dypalëshe. Më pas, u mbajt një takim i zgjeruar me pjesëmarrjen e zyrtarëve qeveritarë nga të dyja vendet.
Në bisedime morën pjesë ministrat e Jashtëm, të Mbrojtjes, të Shëndetit Publik dhe të Sporteve të të dy shteteve, si dhe kreu i Këshillit të Sigurisë Kombëtare, sekretari ushtarak i kryeministrit izraelit dhe ambasadorët.
Deklaratat e Netanyahut rikthyen në vëmendje qëndrimin e vendeve evropiane ndaj Iranit. Kryeministri izraelit e paraqiti Republikën Çeke si shembull të një shteti që vijon të mbështesë Izraelin, në kontrast me udhëheqës të tjerë evropianë, të cilët ai i akuzoi se i kanë kthyer shpinën vendit të tij.
Prime Minister Benjamin Netanyahu met today at his office in Jerusalem with the Prime Minister of the Czech Republic Andrej Babiš. Prime Minister Netanyahu: "Iran’s missiles do not stop at Israel’s borders, neither does its terrorism, and neither do its nuclear ambitions. Europe is not a spectator; Europe is a target. There are weak leaders who turn their backs on Israel, and you stand tall. You don’t follow the crowd, you don’t cower before terror, you follow your conscience". Prime Minister Netanyahu first held a one-on-one meeting with the Czech Prime Minister. This was followed by an expanded meeting attended by the Ministers of Foreign Affairs, Defense, Public Health and Sports of both states; the Head of the National Security Council; the Prime Minister’s Military Secretary; and the Ambassadors.
— Prime Minister of Israel (@IsraeliPM) November 16, 2026
Czech Prime Minister Andrej Babiš to Netanyahu: The Czech Republic is a very safe country. Very safe. And it’s the future of Europe. You know, a lot of people are moving from Germany to the Czech Republic, to this region. This is the future. The Czech Republic is the best country to invest in.
— Clash Report (@clashreport) November 16, 2026
Tre muaj pas nokautit në ring, ndërron jetë në moshën 31-vjeçare boksieri irlandez Lee Reeves
Vance: Nuk do të lejojmë që konflikti me Iranin të zgjasë me vite
“Bëra më të mirën që munda, pavarësisht gabimeve”, Macron mesazh në 10-vjetorin e shpalljes së kandidaturës për president
- 08:39 Tre muaj pas nokautit në ring, ndërron jetë në moshën 31-vjeçare boksieri irlandez Lee Reeves
- 08:31 Vance: Nuk do të lejojmë që konflikti me Iranin të zgjasë me vite
- 08:22 “Bëra më të mirën që munda, pavarësisht gabimeve”, Macron mesazh në 10-vjetorin e shpalljes së kandidaturës për president
- 08:11 Guatemala nis operacionin kundër karteleve Lorenzana dhe Los Mendoza, qindra ushtarë në terren
- 08:04 Denoncoi lidhjet e politikanëve me trafikantët e drogës, vritet me armë zjarri gazetari në Kosta Rika (VIDEO)
- 07:58 Japonia denoncon shkeljen e hapësirës së saj ajrore, ngrihen avionët luftarakë për interceptim