Eni Sejdinaj është drejtuese e Agjencisë Shtetërore të Kadastrës (ASHK) Tiranë Rurale nr. 2, e cila ka qenë në qendër të disa hetimeve dhe akuzave publike mbi tjetërsimin e pronave dhe moszbatimin e vendimeve gjyqësore.
Hetimet e SPAK (2021–2022)
Eni Sejdinaj ka qenë e përfshirë në një hetim të SPAK në vitin 2021 së bashku me zyrtarë të tjerë për çështje të korrupsionit, shpërdorimit të detyrës dhe tjetërsimit të pronave. Meqenëse u akuzua vetëm për shpërdorim detyre, çështja e saj kaloi për kompetencë në Prokurorinë e Tiranës.
Akuza për bllokimin e vendimeve gjyqësore
Në fillim të vitit 2026, ASHK Tiranë Rurale nr. 2 nën drejtimin e saj u akuzua nga qytetarët dhe u referua në prokurori nga përmbaruesit për moszbatimin e një vendimi gjyqësor të formës së prerë lidhur me kthimin e pronave (për rastin e familjes Bardhi), duke favorizuar tjetërsimin e tyre.
Raporti i KLSH
Në mars 2026, KLSH publikoi raportin përfundimtar mbi zbatimin e rekomandimeve të auditimit në drejtoritë e Kadastrës së Tiranës.
Për Kadastrën Tiranë Jug, audituesit konstatuan se 12 rekomandime organizative nuk ishin zbatuar, ndërsa 18 masa disiplinore të rekomanduara, përfshirë paralajmërime për largim nga detyra dhe zgjidhje kontratash pune, kishin mbetur të pazbatuara nga Drejtoria e Përgjithshme e ASHK-së gjatë periudhës së kontrolluar.
Në të njëjtin raport evidentohen probleme me regjistrimin e pronave shtetërore dhe vendime legalizimi për të cilat kërkohej rishqyrtim administrativ.
Këto konstatime kanë peshë të veçantë për drejtimin e institucionit. Ndërsa qytetarët ankohen për dosje që nuk përfundojnë, audituesit kanë identifikuar mangësi që kërkojnë veprime konkrete administrative dhe disiplinore.
Flladi Dano, si drejtues i kësaj drejtorie, është përgjegjës për administrimin e institucionit dhe zbatimin e detyrave që i takojnë strukturës së tij. Pikërisht për këtë arsye, shpjegimet për vonesat, trajtimin e ankesave dhe masat ndaj punonjësve nuk mund të mbeten peng i një tjetër procedure burokratike.
Denoncimet për Kadastrën Tiranë Jug shtrihen edhe te marrëdhëniet me subjektet e mëdha të ndërtimit.
Në informacionet e redaksisë përmenden favorizime të mundshme për investitorë të kullave, të cilët kanë interesa financiare shumë më të mëdha sesa qytetarët që kërkojnë legalizimin e banesave.
Në tregun e pronave të Tiranës, një hartë kadastrale, një korrigjim sipërfaqeje apo regjistrimi i një trualli mund të ndikojë drejtpërdrejt te realizimi i një projekti miliona eurosh.
Ndaj edhe dyshimet mbi përshpejtimin e praktikave për ndërtues të fuqishëm marrin peshë të veçantë, sidomos kur krahasohen me denoncimet e qytetarëve për vonesa të gjata dhe pengesa administrative.
SPAK ka hetuar edhe më parë dosje korrupsioni që lidhen me këtë zyrë kadastrale, duke zbuluar mekanizma ryshfetesh dhe ndërmjetësimi për legalizimet. Nuk dihet ndërkohë nëse emri i drejtorit aktual, Flladi Dano, figuron në dosjet e hetuesve apo në informacionet që kjo strukturë ka administruar për veprimtarinë e institucionit.
Vijon
Si Eni Sejdinaj dhe Armando Skarra falsifikuan dokumentet e pronës së një denoncuesi duke e kaluar tek një oligark?
Si janë tjetërsuar qindra mijëra metra katrorë tokë me firmë të Eni Sejdinajt dhe me “bekimin” e Flladi Danos dhe Armando Skarrës?
Dëshmia e punonjëses së ASHK Tirana 2: Ja si kryhen veprime ditëve të shtuna dhe të diela me urdhër të Eni Sejdinajt
