E martë, 17 nëntor 2026 DENONCO ANONIM Denonco: +355 69 20 95 843
PUBLIK PUBLIK
Aksidenti tragjik i mori jetën shefit të Krimeve në Vlorë, arrestohet shoferi i skrepit
Lajme

Aksidenti tragjik i mori jetën shefit të Krimeve në Vlorë, arrestohet shoferi i skrepit

Është arrestuar drejtuesi i mjetit të rëndë që u përfshi në aksidentin tragjik në aksin rrugor Fier-Vlorë, ku humbi jetën shefi i Krimeve të Rënda në Drejtorinë Vendore të Policisë Vlorë, Ermal Lulaj.

Në pranga ka përfunduar 63-vjeçari Thanas Poçaj, i cili drejtonte skrepin që u përplas me automjetin e efektivit të policisë. Ai kishte mbetur i plagosur nga aksidenti dhe ishte transportuar për ndihmë mjekësore në Spitalin Rajonal të Vlorës.

Arrestimi i tij është kryer pasi 63-vjeçari ka dalë nga spitali, ku po merrte trajtim për dëmtimet e pësuara gjatë përplasjes.

Aksidenti i rëndë ndodhi mbrëmjen e së hënës në autostradën Fier-Vlorë, në afërsi të fshatit Novoselë. Përplasja rezultoi fatale për Ermal Lulajn, i cili humbi jetën në vendngjarje.

Ndërkohë, grupi hetimor vijon punën për të përcaktuar dinamikën e plotë të aksidentit, shkaqet që çuan në përplasjen fatale dhe përgjegjësitë e personave të përfshirë.

Na ndiqni në YouTubeVideo, intervista dhe transmetime nga PUBLIK TV Abonohu

Keni një histori? Denonco anonimisht, identiteti juaj mbrohet.

Denonco
DENONCO

Zëri yt bëhet lajm.

Bëhu pjesë aktive e Publik.al. Raporto çdo padrejtësi, korrupsion apo ngjarje, me foto dhe video. Identiteti yt mbrohet nga redaksia.