Kompania teknologjike Apple po përballet me vështirësi teknike në funksionimin e disa prej platformave të saj më të përdorura, duke ndikuar aksesin e përdoruesve në shërbimet digjitale.
Sipas të dhënave të përditësuara në faqen zyrtare të statusit të sistemit të Apple, ndërprerjet dhe problematikat aktuale janë evidentuar në:
-App Store dhe Apple Music;
-Shërbimin e asistencës AppleCare;
-Funksionimin dhe aksesin në llogaritë iCloud.
Faqja zyrtare e statusit konfirmon se këto shërbime po hasin probleme të përkohshme, ndërkohë që pritet rikthimi i normalitetit pas ndërhyrjes së ekipeve teknike të kompanisë.










