Fier/ Kapet me kokainë gati për shitje, arrestohet 41-vjeçari i dënuar dy herë për narkotikë

Aktualitet | 1 minutë më parë

Një 41-vjeçar është arrestuar në Fier, pasi u kap në flagrancë duke qarkulluar me automjet dhe duke poseduar një sasi lënde të dyshuar narkotike kokainë, një pjesë e së cilës ishte ndarë në doza dhe dyshohet se ishte për shitje. Policia bën me dije se në pranga ka rënë shtetasi me inicialet E. R., banues në Fier, i cili re ulton i dënuar dy herë më parë për veprimtari kriminale në fushën e narkotikëve.

Arrestimi u krye në kuadër të operacionit të koduar “Recidivisti”, të finalizuar nga specialistët e Sektorit për Hetimin e Narkotikëve në Drejtorinë Vendore të Policisë Fier, në bashkëpunim me shërbimet e Forcës së Posaçme “Shqiponja”. Sipas njoftimit zyrtar, 41-vjeçari u ndalua nga shërbimet e Policisë teksa qarkullonte me automjet në qytetin e Fierit. Gjatë kontrollit të automjetit dhe kontrollit fizik ndaj tij, efektivët gjetën një sasi kokaine, një pjesë e ndarë në doza, gati për shitje.

“Ky shtetas është ndaluar nga shërbimet e Policisë, duke qarkulluar me automjet, në qytetin e Fierit. Gjatë kontrollit në automjet dhe kontrollit fizik ndaj 41-vjeçarit, shërbimet e Policisë gjetën një sasi lënde të dyshuar narkotike Kokainë, një pjesë e ndarë në doza, gati për shitje”, thuhet në njoftimin e Policisë.

Gjatë operacionit janë sekuestruar në cilësinë e provës materiale sasia e dyshuar e kokainës, automjeti me të cilin qarkullonte 41-vjeçari dhe një telefon celular.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme