Lirohet 15-vjeçari pas arrestimit në protestë/ Kalaja: Premtim i mbajtur, kjo barbari duhet ndalur, nesër do jetë vonë

Lirohet 15-vjeçari pas arrestimit në protestë/ Kalaja: Premtim i mbajtur, kjo barbari duhet ndalur, nesër do jetë vonë

16:30, 18/11/2026
ZMADHO TEKSTIN
+ Aa -

Avokatja Adriana Kalaja njoftoi lirimin e të miturit nhga Gjykata e Tiranës, pas arrrestimit nga ana e Policisë në protestën kundër qeverisë.

Përmes një statusi në rrjetet sociale, Kalaja e ka konsideruar lirimin e 15-vjeçarit, një premtim të mbajtur, teksa i mituri mbahej nga banditët te Dhomat e Sigurisë nga dita e shtunë.

‘Sqaroj publikun se mirë që prindërit e të miturit janë invalidë dhe jetojnë në mjerim total, banditët i kanë gjobitur me 5 milionë lekë të vjetra’.

Sipas Kalasë, kjo barbari duhet ndalur me çdo kusht, pasi nesër do të jetë vonë.

‘Secilit do i shkojë te "dera", nëse nuk i ndalim’, thuhet në reagimin e Kalasë.

Statusi:

Sërish premtim i mbajtur....

Edhe sot, ashtu si në gjithë rastet e protestuesave të arrestuar këto ditë politikisht nga narco policia, Gjykata e Shkallës së Parë të Juridiksionit të Përgjithshëm Tirane, vleftësoi si të paligjshëm arrestin në flagrancë të të miturit 15 vjeç J. L., i cili mbahej nga banditët te Dhomat e Sigurisë nga dita e shtunë, si dhe vendosi të mos caktonte asnjë masë sigurimi ndaj të miturit.

Sqaroj publikun se mirë që prindërit e të miturit janë invalidë dhe jetojnë në mjerim total, banditët i kanë gjobitur me 5 milionë lekë të vjetra.

Kjo barbari duhet ndalur me çdo kusht.

Sot.

Nesër është vonë.

Secilit do i shkojë te "dera", nëse nuk i ndalim.

Ndërkohë, unë gjithmonë me dhe në krah të protestuesve

© SYRI.net

Lexo edhe:

Denonco