• Kontakt
  • Kreu
  • Rreth Nesh
Wednesday, November 18, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Ekonomi

Projektligji i ri për sigurimin e detyrueshëm të automjeteve, rriten kufijtë e dëmshpërblimit, 250 mijë lekë brenda 14 ditëve për dëmet e vogla

by A. Q
18/11/2026 19:43
Shperndaj ne FacebookShperndaj ne Twitter

Ministria e Financave dhe Autoriteti i Mbikëqyrjes Financiare (AMF) kanë hartuar projektligjin e ri “Për sigurimin e detyrueshëm në sektorin e transportit”, i cili synon të zëvendësojë ligjin ekzistues të vitit 2021 dhe të përshtatë plotësisht direktivat e Bashkimit Evropian në kuadër të Kapitullit 9 të negociatave për shërbimet financiare.

Nisma ligjore sjell rritje të ndjeshme të kufijve të dëmshpërblimit, procedura më të shpejta pagese për qytetarët e dëmtuar dhe mekanizma të rinj që përgatisin tregun shqiptar për integrimin në tregun evropian.

Sipas relacionit shpjegues që shoqëron projektaktin, kuadri i ri rregullator fokusohet vetëm te sigurimi i detyrueshëm motorik, duke shmangur mbivendosjet me transportin detar dhe ajror, dhe synon “garantimin e dëmshpërblimit të drejtë, të shpejtë dhe efektiv për palët e dëmtuara”, si dhe “forcimin e stabilitetit dhe qëndrueshmërisë së tregut të sigurimeve”.

Dëmshpërblime më të shpejta dhe rritje e pragjeve për qytetarët

Projektligji parashikon një sërë lehtësirash dhe garancish të reja financiare për drejtuesit e mjeteve, pasagjerët dhe palët e treta të përfshira në aksidente rrugore.

Pagesa brenda 14 ditëve për dëmet e vogla, rritet pragu për trajtimin e kërkesave me vlerë të vogël ndaj pronës, nga 100 mijë lekë që është aktualisht në 250 mijë lekë, duke detyruar shoqëritë e sigurimit t’i paguajnë ato me procedurë të përshpejtuar brenda 14 ditëve kalendarike.

Nga ana tjetër rritet kufiri i vlerës për dëmet materiale që zgjidhen me marrëveshje miqësore përmes këtij raporti, nga 30 mijë lekë në 50 mijë lekë.

Një risi thelbësore është ndalimi i aplikimit të pjesës së zbritshme (franshizës) ndaj palëve të dëmtuara, duke garantuar dëmshpërblim të plotë, si dhe përfshirja e drejtpërdrejtë e pasagjerëve në policën e sigurimit të detyrueshëm motorik.

Qytetarët përfitojnë vazhdimësi të mbulimit të sigurimit për një periudhë kalimtare (grace period) prej 15 ditësh pas përfundimit të kontratës, si dhe mundësinë e lidhjes së kontratave në formë elektronike.

Çdo i siguruar do të ketë të drejtë të marrë pa pagesë, brenda 15 ditëve, një certifikatë standarde të historikut të dëmeve për 5 vitet e fundit, dokument kyç për llogaritjen transparente të çmimit (sistemi bonus-malus) dhe i vlefshëm edhe jashtë vendit.

Kufijtë e rinj të përgjegjësisë dhe integrimi në BE

Projektligji parashikon përafrimin e kufijve minimalë të mbulimit financiar me standardet e Bashkimit Evropian, të cilët do të hyjnë plotësisht në fuqi në momentin e anëtarësimit të Shqipërisë në BE (me një rritje të ndërmjetme duke nisur nga 1 janari 2028).

Për dëmet ndaj personit, 6.450.000 euro për çdo aksident ose 1.300.000 euro për çdo person të dëmtuar. Për dëmet ndaj pronës 1.300.000 euro për çdo aksident, pavarësisht numrit të palëve të dëmtuara.

Me anëtarësimin në BE do të aktivizohet edhe parimi i primit të vetëm, çka do të thotë se polica e sigurimit e blerë në Shqipëri do të mbulojë automatikisht lëvizjen e mjetit në të gjithë territorin e Bashkimit Evropian pa kosto shtesë, ndërsa targa do të njihet si dokument i vlefshëm ndërkombëtar sigurimi. Po ashtu, do të krijohen mekanizma të pavarur për krahasimin e çmimeve të sigurimit dhe një Zyrë Kompensimi pranë Byrosë Shqiptare të Sigurimit për trajtimin e aksidenteve ndërkufitare.

Fondi i Kompensimit dhe masat ndaj shkelësve

Ligji forcon mekanizmat e mbrojtjes përmes Fondit të Kompensimit, i cili garanton dëmshpërblimin e viktimave jo vetëm në rastet kur mjeti shkaktar është i pasiguruar ose i paidentifikuar, por edhe në rastet e falimentimit apo likuidimit të shoqërive të sigurimit, përfshirë rastet ndërkufitare.

Për të rritur disiplinën në treg, AMF pajiset me kompetenca më të gjera mbikëqyrëse dhe sanksionuese, duke nisur nga paralajmërimet e gjobat e rritura për shoqëritë e sigurimit dhe drejtuesit e tyre që shkelin afatet e dëmshpërblimit, deri te pezullimi apo revokimi i licencës. Ndërkohë, Qendra e Informacionit do të ndërveprojë në kohë reale me Policinë Rrugore dhe regjistrat shtetërorë për identifikimin e shpejtë të mjeteve të pasiguruara dhe ndalimin e qarkullimit të tyre.

Sipas relacionit, zbatimi i këtij projektligji nuk sjell kosto të drejtpërdrejta për Buxhetin e Shtetit, ndërsa aktet nënligjore dhe përshtatja teknike e tregut do të realizohen brenda 12 muajve nga hyrja në fuqi e ligjit.

Leave a Reply Cancel reply

Your email address will not be published. Required fields are marked *

TË FUNDIT

Projektligji i ri për sigurimin e detyrueshëm të automjeteve, rriten kufijtë e dëmshpërblimit, 250 mijë lekë brenda 14 ditëve për dëmet e vogla

Projektligji i ri për sigurimin e detyrueshëm të automjeteve, rriten kufijtë e dëmshpërblimit, 250 mijë lekë brenda 14 ditëve për dëmet e vogla

November 18, 2026
DETAJET/ Shqiptari arrestohet me 93 kg kokainë të fshehura në garazh! Vlera 10 mln euro, pjesë e një rrjeti narkotrafiku! Ja si u diktua

Dy shqiptarë arrestohen për trafik kokaine në Itali, një prej tyre dyshohet edhe si furnizuesi kryesor i rrjetit!

November 18, 2026
Zgjedhjet në Serbi, reagon djali i Trump: Fundi i 14 viteve në pushtet të Vuçiç

Partia Popullore Evropiane do të pezullojë anëtarësimin e SNS-së së Vuçiç në asamblenë e saj të ardhshme politike!

November 18, 2026
Buxheti 2027/ Bylykbashi nga Kuvendi: Është buxhet elektoral, qeveria po rrit taksat dhe përdor prokurimet për zgjedhje!

Buxheti 2027/ Bylykbashi nga Kuvendi: Është buxhet elektoral, qeveria po rrit taksat dhe përdor prokurimet për zgjedhje!

November 18, 2026
“Një ekonomi më e fortë”- Buxheti 2027, Koçiu: 10 mld euro që do ndihet te shporta e qytetarëve dhe pensionistëve!

“Një ekonomi më e fortë”- Buxheti 2027, Koçiu: 10 mld euro që do ndihet te shporta e qytetarëve dhe pensionistëve!

November 18, 2026
U përjashtua nga forumet e PS, Elisa Spiropali shfaqet e qeshur në Kuvend dhe ulet mes kolegëve socialistë! (FOTO)

U përjashtua nga forumet e PS, Elisa Spiropali shfaqet e qeshur në Kuvend dhe ulet mes kolegëve socialistë! (FOTO)

November 18, 2026
“Boll me benzinë e dhunë”- Buxheti 2027, Spahiu-Opozitës: Mendjen e keni te Asambleja e PS, s’dhatë asnjë opsion se çfarë mund të përmirësohej!

“Boll me benzinë e dhunë”- Buxheti 2027, Spahiu-Opozitës: Mendjen e keni te Asambleja e PS, s’dhatë asnjë opsion se çfarë mund të përmirësohej!

November 18, 2026
Projektligji i ri “Për ushqimin”, hiqet sistemi aktual i licencimit! Regjistrim i stabilimenteve dhe Komision i Pavarur për Vlerësimin e Riskut

Projektligji i ri “Për ushqimin”, hiqet sistemi aktual i licencimit! Regjistrim i stabilimenteve dhe Komision i Pavarur për Vlerësimin e Riskut

November 18, 2026
“Buxhet 10 miliardë euro”- Debati në Kuvend, Çuçi replikon me Tabakun: Fakt se është më i madhi në historinë e Shqipërisë!

“Buxhet 10 miliardë euro”- Debati në Kuvend, Çuçi replikon me Tabakun: Fakt se është më i madhi në historinë e Shqipërisë!

November 18, 2026
Gjuha shqipe në diasporë, mbahet konferenca shkencore në Universitetin e Shkodrës

Gjuha shqipe në diasporë, mbahet konferenca shkencore në Universitetin e Shkodrës

November 18, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In