Ushtria ukrainase ka hapur një front të pazakontë kundër forcave ruse, duke përdorur një gazsjellës të vjetër sovjetik në rajonin e Harkivit për lëvizjen dhe luftimin e trupave. Prej shtatë muajsh, ushtarët ukrainas qëndrojnë në këtë tubacion të ngushtë, ku mund të lëvizin vetëm duke u zvarritur. Megjithatë, ai ofron mbrojtje nga dronët dhe sulmet ajrore që kanë vështirësuar avancimin në terren të hapur. Gjatë operacionit “Veles”, të nisur në prill, forcat ukrainase pretendojnë se kanë avancuar 15 kilometra përgjatë gazsjellësit, duke vrarë mbi 100 ushtarë rusë dhe kapur 30 të tjerë. Për transportin e trupave dhe furnizimeve përdoret një karrocë elektrike, e pagëzuar nga ushtarët si “Metroja e Kupjanskut”.