Kryeministri i Kosovës, Albin Kurti, ka zhvilluar një takim me profesorin amerikan dhe ish-diplomatin e lartë, Daniel Serwer. Gjatë bisedës, ata kanë trajtuar zhvillimet më të reja politike si në Kosovë ashtu edhe në skenën ndërkombëtare.
Në një njoftim zyrtar, Kurti ka treguar se takimi u mbajt të mërkurën dhe shënoi takimin e parë të tillë pas vendimit të 16 shtatorit nga Dhomat e Specializuara në Hagë, si dhe pas proceseve zgjedhore të zhvilluara në Serbi dhe në Shtetet e Bashkuara të Amerikës.
Të lidhura
None found
Kryeministri ka sqaruar se në këtë takim u diskutuan këto ngjarje, por edhe çështje të tjera me peshë për vendin dhe më gjerë.
Kreu i Qeverisë e ka përshkruar si kënaqësi bashkëbisedimin me Serwerin, duke i çmuar sugjerimet dhe pikëpamjet e tij.
Po ashtu, ai ka shprehur mirënjohje ndaj profesorit amerikan për mbështetjen e vijueshme që i ka dhënë shtetit dhe popullit të Kosovës.







