E enjte, 19 Nëntor 2026 Reklamo Kontakt Karriera
Vizion Plus
Video · Lifestyle

Byreku disk që nuk e keni provuar ndonjëherë nga shefja e kuzhinës Albana Mançja

Çdo ditë, në emisionin “Mes’dritë” në Vizion Plus, nën moderimin e Alma Çelajt, shefja e kuzhinës Albana Mancia sjell receta të shijshme, ide kreative dhe sugjerime për gatime që mund t’i përgatisni lehtësisht në shtëpi. Ndiqni recetat e saj dhe zbuloni çdo ditë shije të reja, hap pas hapi!

Përbërësit për brumin:

500 gr miell OLA

270 ml kefir

Reklamë

1 vezë

1 lugë çaji maja

2 lugë gjelle ajkë

100 gr gjalpë

½ lugë çaji kripë

Për mbushjen:

250 gr gjizë

150 gr djathë të grirë

50 gr djathë të grirë (për sipër)

1 vezë

Kripë

30 gr gjalpë

Arrë moskat

¼ speci i kuq

Për lyerjen

1 e verdhë veze

1 lugë qumësht

Përgatitja:

Në një tas përziejmë miellin, kefirin, vezën, kripën, gjalpin e shkrirë, ajkën dhe majanë. Punojmë brumin derisa të formohet një masë e butë dhe e njëtrajtshme.

E vendosim në një enë, e mbulojmë dhe e lëmë të pushojë për 30 minuta, derisa të fryhet.

Brumin e ndajmë në dy pjesë. Secilën e hapim me petës në formë rrethore, me diametër rreth 35 cm.

E vendosim petën mbi letër pjekjeje. Në qendër bëjmë një prerje në formë kryqi, rreth 8 cm nga qendra, dhe një prerje tjetër që të formohen tetë ndarje

Në një tas përziejmë gjizën, 150 gr djathë të grirë, vezën, 30 gr gjalpë, kripën dhe arrën moskat.

Vendosim gjysmën e mbushjes në formë unaze, rreth 2 cm larg anës së jashtme të petës.

Sipër shpërndajmë djathin e mbetur dhe specin e kuq të prerë në kubikë të vegjël

Marrim cepat e brumit nga qendra dhe i bashkojmë me anësoren e petës, duke i ngjitur mirë.

Kështu formojmë një byrek të bukur në formë disku.

Përsërisim të njëjtën procedurë edhe me pjesën tjetër të brumit dhe mbushjes

Vendosim byrekët në tava të shtruara me letër pjekjeje.

I mbulojmë dhe i lëmë të pushojnë për 25–30 minuta.

Rrahim të verdhën e vezës me një lugë qumësht dhe lyejmë sipërfaqen e byrekëve me furçë.

I pjekim në furrë të parangrohur në 200°C për rreth 25 minuta, derisa të marrin ngjyrë të artë.

Më shumë video

Reklamë

Lini një koment

Me respekt — komentet moderohen nga redaksia.
Nuk publikohet kurrë.