Basketbollisti Robert Shestani zbulon ambiciet e Vllaznisë: Objektivi është titulli kampion

19 Nëntor 2026 | 18:55

I ftuar në një lidhje live në emisionin “Kubi Sportiv” me Drilon Xhepollarin, basketbollisti i Vllaznisë, Robert Shestani, foli për objektivat e skuadrës shkodrane në këtë sezon, në një kampionat ku gara për titull pritet të jetë e fortë.

Shestani u ndal te përballja e radhës me Skënderbeun, ndërsa vlerësoi se këtë sezon disa skuadra janë në nivele të përafërta dhe kanë pretendime për të shkuar deri në fund të kampionatit.

Basketbollisti shkodran komentoi edhe numrin e lojtarëve të huaj në kampionatin shqiptar, duke ngritur shqetësimin për hapësirat që u krijohen basketbollistëve vendas dhe ndikimin që kjo ka në zhvillimin e ekipit kombëtar.

“Starti ishte shumë i mirë. Lojtarët e rinj që u afruan në ekip arritën të përshtaten shumë shpejt me pjesën tjetër të skuadrës. Lojtarët e huaj që erdhën para fillimit të sezonit u përshtatën shumë shpejt edhe me taktikën e trajnerit, profesor Eni Llazani, i cili ka bërë një punë shumë të madhe, duke arritur të ndërthurë lojtarët e huaj me lojtarët shqiptarë dhe të krijojë grupin. Fillimi ishte shumë i mirë, duke pasur parasysh se në gjashtë takime kemi po aq fitore. Ndeshja e radhës është kundër Skënderbeut, një ekip pretendent dhe i fortë, që në fushën e vet është shumë i vështirë për t’u mundur. Megjithatë, ekipi ynë po i merr të gjitha masat për të shkuar atje dhe për të fituar. Këtë vit të gjitha ekipet janë pothuajse në të njëjtin nivel. Nuk mund të veçosh as Vllazninë, pavarësisht se jemi në vend të parë me gjashtë ndeshje dhe gjashtë fitore. Ne do t’i marrim ndeshjet një nga një. Besëlidhja është një nga pretendentet kryesore. Janë edhe Teuta dhe Kamza, ekipe që pretendojnë të shkojnë sa më larg në kampionat. Në aspektin personal pres fitimin e titullit kampion. Pastaj është edhe Kupa e Shqipërisë, që zhvillohet në janar dhe pse jo, edhe aty do të jemi pretendentë. Por fillimisht jemi të përqendruar te ndeshjet e kampionatit, t’i marrim me radhë dhe të arrijmë të bëjmë shtatë ndeshje, shtatë fitore, duke nisur nga kjo fundjavë”, tha ai.

Me pesë tituj kampionë të fituar gjatë karrierës, Shestani synon të shtojë një tjetër trofe në koleksionin e tij, këtë herë me fanellën e Vllaznisë.

Vllaznia kryeson aktualisht kampionatin me gjashtë fitore në gjashtë ndeshje, ndërsa këtë fundjavë do të përballet me Skënderbeun.

Home Kryefaqja
Shiko në: YouTube
Lajme të Sugjeruara

Ndryshime te Teuta, Edmond Jazexhi emërohet Drejtor Sportiv i volejbollit të femrave

Pas një kontributi të madh në sportin e volejbollit dhe në veçanti te ekipi i Teutës, trajneri Edmond Jazexhi merr një pozicion të ri në...
16:58 | 18/11/2026

Goli ndaj Finlandës, Fatjon Baze: Muçi aset i pashfrytëzuar i Shqipërisë, i është ngrënë haku por nuk foli kurrë

Gazetari sportiv Fatjon Baze ka vlerësuar paraqitjen e Shqipërisë në fitoren 2-0 ndaj Finlandës, duke e cilësuar atë një mbrëmje spektakolare për kuqezinjtë. I ftuar...
17:28 | 13/11/2026

Maran dhe Ismajli: Gati për Finlandën, objektivi është vendi i parë

Trajneri i Kombëtares shqiptare, Rolando Maran, dhe mbrojtësi Ardian Ismajli kanë dalë në konferencën për mediat në prag të sfidës me Finlandën, që do të...
18:10 | 11/11/2026