
Lëvizja Vetëvendosje dhe Partia Demokratike e Kosovës kanë arritur marrëveshje për hartimin e një projektligji të ri që synon ndryshimin e mandatit të Gjykatës Speciale në Hagë.
Kryeministri Albin Kurti dhe ushtruesja e detyrës së kryetares së PDK-së, Vlora Çitaku, janë dakordësuar për krijimin e një grupi punues me ekspertë, i cili do të hartojë draftin dhe do ta dorëzojë në Kuvend gjatë javës së ardhshme.
Pas arritjes së marrëveshjes, është hequr dorë nga procedura për rrëzimin e vetos së presidentes Justina Shiroka Pula, e cila kishte kthyer për rishqyrtim ligjin e miratuar më parë nga Kuvendi.
Çitaku bëri të ditur se ka marrë zotimin e Qeverisë për zbatimin e ligjit të ri pas miratimit. Ajo theksoi gjithashtu se në hartimin e projektligjit do të përfshihen ekspertë vendorë dhe ndërkombëtarë.
Ndërkohë, Organizata e Veteranëve të Luftës së UÇK-së ka kërkuar përshpejtimin e procedurave, duke paralajmëruar protesta në shkallë vendi nëse iniciativa vijon të zvarritet.
Nisma vjen në një kohë kur ka pasur reagime pas dënimit në shkallë të parë të ish-krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi, me një total prej 81 vitesh burgim.