FMN vlerëson qëndrueshmërinë e ekonomisë shqiptare, misioni zhvillon takime me guvernatorin Sejko

Fondi Monetar Ndërkombëtar ka vlerësuar ecurinë e ekonomisë në Shqipëri. Një mision i Fondit Monetar Ndërkombëtar zhvilloi takime me përfaqësues të Bankës së Shqipërisë të fushave të ndryshme, si dhe me Guvernatorin e Bankës së Shqipërisë, Gent Sejko.

Në takim u diskutuan zhvillimet më të fundit në ekonominë shqiptare, ecuria e inflacionit dhe e kursit të këmbimit, si dhe gjendja e sistemit bankar dhe roli i tij në financimin e ekonomisë.

Guvernatori Sejko u shpreh se ekonomia shqiptare vijon të tregojë qëndrueshmëri, ndërsa konsumi, investimet dhe aktiviteti i shërbimeve mbeten mbështetës të rritjes ekonomike.

Duke u ndalur tek inflacioni, Guvernatori Sejko theksoi se politika monetare mbetet e orientuar drejt garantimit të stabilitetit të çmimeve. Banka e Shqipërisë po ndjek me kujdes ecurinë e çmimeve, zhvillimet në tregun e punës dhe ndikimet nga mjedisi i jashtëm, duke e mbështetur vendimmarrjen në të dhënat e reja dhe në parashikimet për ekonominë.

Misioni i FMN-së vuri në dukje se kalimi gradual drejt një qëndrimi neutral të politikës monetare ishte i përshtatshëm, duke pasur parasysh pozicionin ciklik të ekonomisë.

360grade.al

Monarkia e pashpallur e stabilitetit!

Të tjera

Galeria
Rreth nesh

360 grade.al është një portal që synon të sjellë shumë të vërteta të fshehura dhe të anashkaluara në realitetin shqiptar. Simbas parimit se e Vërteta nuk është monopol i askujt dhe se përgjithësisht e drejta është më shumë në Mes, se sa në Skaj.

Duke refuzuar radikalizmin politik, apo atë të qëndrimeve, si një përcjellës të Gënjeshtrës përmes deformimit, Errësirës përmes zhurmës dhe të Antishtetit përmes kauzave të rreme, nga cilido krah ai të paraqitet.

Kontakt

Adresa: Rruga Gjin Bue Shpata,
Njësia Bashkiake Nr.5. Kati i 1.
Tirane, Shqipëri