• Kontakt
  • Kreu
  • Rreth Nesh
Friday, November 20, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Operohet Erioni, të shkuara Elisës!

by Ylli Manjani
20/11/2026 21:07
Shperndaj ne FacebookShperndaj ne Twitter

Nga Ylli Manjani

Dy miqtë e kahershëm, Erion Veliaj dhe Elisa Spiropali, ndonëse sot në llogore të ndryshme politike, duket se kanë gjetur më në fund një kauzë të përbashkët: Belinda Ballukun!

Madje, pikërisht tani që Belinda po përballet vetë me probleme serioze penale, Erioni dhe Elisa duket se e kanë zbuluar si burimin e të gjitha fatkeqësive të tyre.

Se çfarë pushteti të jashtëzakonshëm zotëron Belinda në ditët më të vështira të karrierës së saj zyrtare, këtë duhet ta dinë më mirë Erioni dhe Elisa.

Megjithatë të vijojmë pak llogjikën që na sugjeron Elisa dhe Erioni.

Elisa duket se nuk e ka kapërdirë ende shkarkimin nga posti i ministres. Dhe fajin, me sa kuptohet nga qëndrimet e saj, ia faturon Belindës.

Mirëpo, ka një hollësi të vogël në këtë histori, Elisën ministre e bëri Edi Rama dhe po Edi Rama e shkarkoi. Belinda, me sa dimë, nuk firmos as emërimet, as shkarkimet e ministrave.

Natyrisht, gojët e liga flasin edhe për një muhabet klubi kinez në Berlin. Por këto mbeten muhabet kafenesh. E vetmja gjë e sigurt është se vendimin e mori Rama.

Tani, llogjika ta do, që po të kishte Belinda aq pushtet mbi Ramën, sa pretendon Elisa se e ka, lind pyetja, përse e lejoi fare Elisën të bëhej ministre?!

Se zakonisht të fortët i pengojnë kundërshtarët të ngjiten, jo presin të ngjiten që pastaj t’i zbresin, brenda pak, shumë pak muajsh në detyrë.

Nuk duket si punë Belinde kjo. Ndoshta është por Elisa vetëm shan, nuk na tregon se si Belinda e shkarkoi. Por ka zgjedhur një logjikë më komode, sipas të cilës Rama e shkarkoi, Belinda e ka fajin!

Pra, mjafton të largohet Belinda dhe Elisa shërohet politikisht. Rama mbetet aty ku është, ndërsa përgjegjësia transferohet te dikush tjetër. Një lloj terapie politike pa prekur shkaktarin e vendimit.

Në këtë kauzë antibelindë shfaqet edhe Erioni. Ky i fundit, nga burgu, na sjell lajmin e një kaviljeje të dëmtuar duke luajtur futboll dhe të një ndërhyrjeje kirurgjikale të planifikuar për të hënën.

Një kavilje e thyer, një karrierë ministrore e ndërprerë dhe një Belindë që duhet të mbajë përgjegjësi për të gjitha!

Natyrisht, askush nuk e lidh mjekësisht kaviljen e Erionit me Belindën. Por politikisht, në këtë histori, duket se gjithçka lidhet me të.

Kështu kemi një aleancë të çuditshme qëndrimesh ku, njëri kërkon të shërojë këmbën, tjetra plagën politike. Të dy, në mënyra të ndryshme, duket se presin largimin e Belindës si ilaç.

Ndërkohë, ndonjë tezë politike, ide qeverisëse apo alternativë për publikun nuk po duket gjëkundi. Sepse në këtë histori nuk diskutohet çfarë duhet të ndryshojë në qeverisje, por kush duhet të largohet që të qetësohen ata që kanë mbetur jashtë saj.

Me pak fjalë, nëse ikën Bela, Elisa qetësohet. Nëse operohet Erioni, shërohet kavilja. Dhe nëse ndodhin të dyja, ndoshta shpëton edhe demokracia e partisë dhe e Shqipërisë nga kjo dramë ortopediko-ministrore.

Ndaj, meqë Erioni do të operohet të hënën, i urojmë shërim të shpejtë.

Dhe, mbi të gjitha, të shkuara Elisës!

Leave a Reply Cancel reply

Your email address will not be published. Required fields are marked *

TË FUNDIT

PD duhet të na tregojë hartën e saj të bashkive

Operohet Erioni, të shkuara Elisës!

November 20, 2026
Elbasani rikthehet te fitorja, Glen Daja mposht babain e tij

Elbasani rikthehet te fitorja, Glen Daja mposht babain e tij

November 20, 2026
Edhe pas dy muajsh mbetet mister fati i inxhinierit shqiptar Erkan Nika

Edhe pas dy muajsh mbetet mister fati i inxhinierit shqiptar Erkan Nika

November 20, 2026
Paralajmërimi i Mark Rutte në Samitin e NATO-s: Rusia po derdh gjithë buxhetin në makinerinë e luftës

Pas incidentit me raketat dhe dronin rus në Poloni, kreu i NATO-s viziton Varshavën të shtunën

November 20, 2026
Cilat janë hapat që ndërmerren për apelimin e një vendimi të Gjykatës Speciale?

Ligji i ri, dilema të vjetra. Ping-pongu me Specialen, Kosova me nismë të re

November 20, 2026
Debate në KQZ për identifikimin elektronik, PD kundërshton përdorimin e pajisjeve PEI në zgjedhjet e 9 majit 2027

Debate në KQZ për identifikimin elektronik, PD kundërshton përdorimin e pajisjeve PEI në zgjedhjet e 9 majit 2027

November 20, 2026
Tri pyetje për Blendi Gonxhen!

Tri pyetje për Blendi Gonxhen!

November 20, 2026
Moska ia beson një ministri të Serbisë luftën kundër “ndërhyrjeve të huaja” në zgjedhje

Moska ia beson një ministri të Serbisë luftën kundër “ndërhyrjeve të huaja” në zgjedhje

November 20, 2026
Gjykata Supreme e Brazilit rrëzon kërkesën e Ervin Matës për të mos u ekstraduar në Shqipëri

Gjykata Supreme e Brazilit rrëzon kërkesën e Ervin Matës për të mos u ekstraduar në Shqipëri

November 20, 2026
Dritarja e Vetme për Doganat, qeveria propozon projektligjin e ri për digjitalizimin e formaliteteve doganore dhe jodoganore

Dritarja e Vetme për Doganat, qeveria propozon projektligjin e ri për digjitalizimin e formaliteteve doganore dhe jodoganore

November 20, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In