Kryesore

Erion Veliaj mesazh nga burgu: PS është kthyer në “hordhi privilegjesh”, ku sipas tij besnikëria e verbër ndaj Ramës vlen më shumë se parimet

10:18 - 21.11.26 GSH Gazetar
GSH APP Download on Apple Store Get it on Google Play

Kryebashkiaku i arrestuar i Tiranës, Erion Veliaj, ka reaguar sërish nga burgu, pak para nisjes së Asamblesë së PS-së në Tiranë.

Në letrën publike drejtuar socialistëve, Veliaj ka sulmuar Edi Ramën, duke i kujtuar këtij të fundit se si bandat dhe krimi mbajnë sot pushtetin.

“Fitoret tona nuk na i dhanë as bandat, as krimi dhe as të fortët. Ato i ndërtuam me djersën e socialistëve dhe qytetarinë e Tiranës”, shkruan Veliaj, duke rikthyer në vëmendje periudhën e hershme kur, sipas tij, u ndërtua organizata socialiste e kryeqytetit.

Veliaj ngre më tej akuza se PS është kthyer në “hordhi privilegjesh”, ku sipas tij besnikëria e verbër ndaj Ramës vlen më shumë se parimet.

“A është ende socialisti me të cilin ndamë betejat dhe fitoret, apo vendin e tij e kanë zënë ministruca e drejtoruca, që pushtojnë territore me privilegje, në vend që të pushtojnë zemrat e qytetarëve. Më pikëllon të shoh një parti ku drejtuesi u hakërrehet socialistëve që e ngritën në krye, ku mijëra vota e vite sakrificash fshihen me një klithmë të tij dhe ku besnikëria e verbër ndaj tij vlen më shumë se besnikëria ndaj parimeve”,- shprehet Veliaj.

Kujtojmë se vetëm pak ditë më parë Rama vendosi ta largojë Veliajn nga drejtimi politik i Partisë Socialiste në Tiranë. Në vend të tij, drejtimi politik i kryeqytetit iu besua Albana Koçiut dhe Ervin Demos. Ndërsa ditën e sotme Rama pritet të mbledhë sërish Asamblenë e PS-së, ku mbetet për tu parë nëse do të japë sinjale konkrete për emrin që socialistët do të propozojnë për kandidat për Bashkinë e Tiranës.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.